Sorkuntza tailerrak emango dituzte 100tze espazioan, beste ikasturte batez

Sei urtetik gorako haurrei zuzendutako tailerrak dira, eta urriaren 4an hasiko dira. Txikiagoentzako talde murriztu bat ere egongo da.

Erik Gartzia

Oiartzun

2016/09/15

Iaz ikasleek egindako lanen erakusketa.

Haurrentzako sorkuntza tailerrak emango dituzte, beste behin, 100tze espazioan (Arraskularre kalea, 16, behea). Idoia Beratarbide Arrieta izango da tailerren arduraduna. Hainbat jarduera artistiko lantzen dituzte sei urtetik gorako haurrei zuzendutako tailerretan: marrazketa, bolumena, collagea, pintura… Azaldu dutenez, “sormena haurrengana hurbiltzea” da euren helburua, teknika eta material ezberdinak eskainiz. Haur bakoitzak bere espresiobide propioa aurkitzea nahi dute, eta hori guztia, talde lanean. Ikasturtean zehar landutakoa erakusketa batean ezagutarazten dute. Urriaren 4an —asteartea— hasiko da ikasturtea. Sei urtetik aurrerako haurrentzako hiru talde izango dira. Talde bakoitzak, gehienez, hamar haurrez osatuta egongo dira. Honakoak izango dira taldeen ordutegiak: 18:15etik 19:45era astearte eta asteazkenetan, eta 17:00etatik 18:30era ostegunetan. Horrez gain, 4 eta 5 urte bitarteko haurrentzako beste talde bat egongo da, gehienez sei haurrek osatutakoa. Asteazkenetan elkartuko lirateke, 17:00etatik 18:00etara. Hilaren 30era arte eman ahal izango da izena. Pasa den ikasturtean ibili zirenek, hilaren 18a dute tokia azken eguna, lehentasuna emate aldera. Horretarako, e-posta bitartez jarri behar da harremanetan, eta ikaslearen izen-abizenak, adina eta nahi duen eguna eta ordua adierazi beharko dira. Informazio gehiago jasotzeko edo zalantzak argitzeko, 652 70 15 53 telefono zenbakira dei daiteke.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.