Hondakinak biltzeko sistema hautatzeko herri galdeketaren aukera zabalik Lezon
Urgentziazko mozioen atalean aurkeztu zuen EH Bilduk hondakinen gaia lantzeko mozioa: koalizioko kideen eta PSE-EEren babesa jaso zuen. Galdeketa egitea dago mozioko puntuen artean.
Atzoko udalbatzarraren irudia.
- Udalbatza osatzen duten alderdi ezberdinek, erabakitzen den hondakin bilketa sistemak %80 inguruko birziklapen tasa izan behar duela adosten dute.
- Hondakinen mahaia berriz ere bildu, eta birziklapen tasa horretara iristeko sistemen gaineko gogoeta egin. Horretara iritsiko diren sistema ezberdinak aztertu, planteatu eta adostu. Mahian alderdiek, herriko eragile eta taldeek, nahiz norbanakoek dute tokia.
- Sistema horien gainean herritarrek zein nahiago duten erabakitzeko herri galdeketa egin.
- Galdeketan garaile izan den sistema ezarri.
- Hondakinen mahaiak sistema horren jarraipena egin dezala. Helburuak beteko ez balira, beharrezko zuzenketak egin.
- Alderdiek konpromisoa har dezatela, alkatetzan dagoen alderdia edozein izanda ere, herritarrek hautatu duten sistema mantentzeko.
- Gaurko egunaren harira, Indarkeria Matxistaren Kontrako Eguna, gobernu taldeak eta EH Bilduk aurkeztutako mozioak aho batez onartu ziren.
- Euskararen Egunaren gaineko erakunde adierazpena aho batez onartu zen.
- PSE-EEk, astebururako antolatuta dagoen janari bilketaren harira, urgentziazko mozioa aurkeztu zuen: bertan herritarrak gonbidatzen dituzte horretan parte hartzera, baita erakundeak (Lezoko Udala barne) eta herriko komertzioak ere. Aho batez onartua.
- Altsasuko herriari eta bertan atxilotuak izan direnei babesa adierazteko mozioa aurkeztu zuen EH Bilduk. Koalizioko kideen eta EAJren aldeko botoekin aurrera atera zen; PSE-EE kontra agertu zen. Biharko manifestaziora joateko deialdia zegoen testuaren barruan.
- Berdintasun Teknikaria (egun erdiz) izateko proposamena onartu egin zen
