Bi erakundeen esperientzia eta ezagutza trukatu eta herritarrei zerbitzu hobeagoa eskaintea da hitzarmenaren helburua
Eresbilek eta Xenpelar Dokumentazio Zentroak hitzarmena sinatu dute.
Eresbil Musikaren Euskal Artxiboak eta Xenpelar Dokumentazio Zentroak lankidetzarako hitzarmena sinatu dute. Bi erakundeen esperientzia eta ezagutza trukatu eta herritarrei zerbitzu hobeagoa eskaintea da hitzarmenaren helburua: “Musikaren eta bertsolaritzaren inguruko elkarlana sendotu nahi dugu, eta Mintzola Ahozko Lantegiaren bidez musikaren eta munduko kantu inprobisatuen inguruan elkarlana bultzatu”.
Musika eta bertsolaritzaren ikus-entzunezko ondarearen zaintzak eta zabalkundeak egun dituen erronkei erantzuteko elkarlana sendotu nahi dutela esan dute, gainera, baliabideen erabilera ahalik eta egokiena egin eta informazio zerbitzuak hobetzeko.
Eresbil Musikaren Euskal Artxiboa 1974an sortu zuten eta euskal musikaren ikerketa eta zabalkundean lan handia egiten du. Xenpelar Dokumentu Zentroa 1991n sortu zuen Bertsozale Elkarteak bertsolaritzaren ondarearen zerbitzua emateko. 2009tik Mintzola Ahozko Lantegiaren bidez munduko kantu inprobisatuen inguruko informazio zerbitzuak ere eskaintzen ditu.