Martzelina eta Lexoti taldeak, Oiartzungo bertsolaritzaren ordezkari
Bi bertsolariak omentzen dituzten taldeak ariko dira Gipuzkoako Herriarteko Txapelketan. Bestalde, trabajadorien bertso trama egingo dute larunbatean.
Pasa den ostiralean hasi zen bertsolaritzako Gipuzkoako Herriarteko Txapelketa. 38 taldek eta 267 bertsolarik hartuko dute parte bertan. Horietatik bi talde eta zazpi bertsolari herrikoak izango dira. Martzelina Lopetegi eta Jose Luis Lekuona Lexoti bertsolari oiartzuarrak omendu nahi dituzte taldeek, euren plaza izena eramanda.
Aste honetan egingo dituzte lehenengo saioak, etxetik kanpo. Lexoti taldekoak Azpeitian ariko dira, ostiralean, eta Martzelinakoak, berriz, biharamunean Oñatin izango dute saioa.
Herriko saioak
Bi taldeek kanporaketa bana jokatu dute etxean. Martzelinak Urretxu-Zumarraga jasoko du hilaren 24ean. Bertso-afari formatua izango du, eta Girizia elkartean izango da, 20:30etik aurrera. Sarrerak ostegunean jarriko dituzte salgai, Makutxon eta Garmendin. Hamabost euroko prezioa izango dute.
Lexotik etxeko partida martxoaren 3an jokatuko du Legazpiren kontra. Makutxo tabernan izango da bertso saioa, 23:00etatik aurrera.
Udalak oiartzuarrak gonbidatu nahi ditu herriko bertso saioetan parte har dezaten, baita Oiartzundik kanpo egingo dituztenetara ere, herrikideen presentzia eskertuko dutelakoan. Bide batez, Oiartzungo Bertso Eskola zoriondu dute, eta urteetan zehar egindako lana goraipatu.
Honakoa izango da taldeen osaketa:
Lexoti
Alaia Martin oiartzuarra, Amets Arzallus, Andoni Egaña eta Eneko Fernandez ariko dira bertsolari lanetan. Sarrerak Garmendi txokolategian eta Lesakako Izarra okindegian saltzen ari dira, bost euroren truke. Saioaren ondoren Arritxulon bertan afaltzeko aukera egongo da, hamabi euroren truke. Bertso trama 19:00etan hasiko da.
Lehenago, baina, Toberak tailerra antolatu du Soinueneak. Meatzarien palankekin egindako txalaparta antzeko instrumentua jotzeko tailerra Arditurrin izango da, 16:30etik aurrera.
- Bertsolariak: Ander Lizarralde, Jon Otegi eta Jokin Irastorza.
- Gai jartzailea: Leire Beloki.
- Epailea: Karlos Ibarguren.
- Ordezkaria: Mirari Martiarena.
- Bertsolariak: Josu Ibarguren, Iraitz Mateo, Jon Martin eta Juanito Mitxelena.
- Epailea: Iker Goya.
- Gai jartzailea: Jon Diaz de Mendibil.
- Ordezkaria: Itziar Etxegia.
Amets Arzallus eta Alaia Martin ariko dira, besteak beste, larunbateko bertso traman.
