Jon Martin ere, bertsolari txapelketako finalerdietara

Nerea Elustondori gailendu zaio oiartzuarra; emaitzarekin ez bezala, saioarekin ez zen gustura geratu

2017/10/02

673,5 puntu eskuratu zituen larunbateko saioan [Argazkia: Goierriko Hitza].

Larunbata bertso eguna izan zen Seguran. Bertso eskolek topaketa egin zuten Goierriko herrian, eta horrez gain, Euskal Herriko Bertsolari Txapelketako final laurdeneko saioa ere egin zuten. Bertan aritu zen Jon Martin, beste bost bertsolarirekin batera, Baratze pilotalekua bete zuten 700 lagunen aurrean. Eta onena izan zen oiartzuarra, 673,5 puntu bilduta (ikus sailkapena behean). Kataluniari hainbat keinu egin zizkion Martinek; Piolinen askatasuna aldarrikatzen zuen kamiseta jantzi zuen eta L’estaca abestiaren doinuarekin bertsoa osatu zuen. Saioaren bukaeran egindako adierazpenen arabera, emaitzarekin pozik geratu zen, ez ordea saioan egindako lanarekin. Kontuak kontu, Bastidako (Araba) finalerdirako txartela lortu du. Urriaren 28an izango da saio hori. 1. Jon Martin: 673,5. 2. Nerea Elustondo: 665,5. 3. Beñat Iguaran: 655,5. 4. Ander Fuentes Itturri: 629,5. 5. Unai Gaztelumendi: 620. 6. Felix Zubia: 594.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.