[Bideoa] Gogorza eta Arrieta etxean nahi dituzte

Bi oreretarren askatasuna eskatuko duen manifestazioa 18:00etan abiatuko da Herriko plazatik hilaren 30ean Sare Herritarrak deituta.

Ikerne Zarate Gartziarena

Errenteria-Orereta

2017/12/18

Manifestaziora deitzeko argazkia.

Manifestazioa antolatu du Sare Herritarrak hilaren 30ean, larunbata. Aitzol Gogorza eta Mikel Arrieta larri gaixorik dauden preso oreretarrak etxean nahi dituztela esango dute manifestazio horretara biltzen direnek. Manifestazioarekin bat egin dute dagoeneko hamarnaka herritarrek eta bideoa egin: jubilatu, tabernari, mugimendu feministako ordezkariak, sindikatuak, alderdi politikoak, sendagile, elkarte, irakaskuntzako langile, kirolariek, eta gazteek. Gogorzak obsesio konpultsibo nahasmena du eta Basauriko espetxean aurkitzen da. Hemeretzi urte daramatza espetxean Gogorzak. Bere eritasunagatik azken urteetan 29 alditan ingresatu dute ospitalean. Arrietaren kasua abuztuan jakinarazi zuten. Aurretik gaixotasunaren zantzuak bazituen ere, orduan eman zioten diagnostikoa oreretarrari: espondilartropatia kroniko seronegatiboa HLA B 27 positiboarekin du. Algeciraseko (Andaluzia, Espainia) espetxean da Arrieta Euskal Herritik 1.100 kilometrora. Bi oreretarren askatasuna eskatuko duen manifestazioa 18:00etan abiatuko da Herriko plazatik. Isila izango da, baina aktiboa. Hainbat gunetan Prest Gaude konpromisoa adieraziko dute. Norbanakoen konpromisoa irudikatzeko geldialdia egingo du manifestazioak Biteri kalean. Bertan, mosaiko argitsua egingo dute. Horretarako, manifestazioan parte hartzen duten herritar guztiei argia egiteko tresnak eramateko eskatu diete, linternak, kandelak… Sarek herritar guztiak deitu ditu parte hartzera eta Gogorza eta Arrietaren etxeratzea eskatzera. Joan den hilabetean, Gogorza eta Arrietaren sendagileekin egindako bideoa zabaldu zuen Sarek. Gogorza eta Arrietaren gaixotasunez, eta espetxeak haiengan duen eraginaz mintzo dira bertan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Bideoa] Gogorza eta Arrieta etxean nahi dituzte

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik