Oiartzungo Herri Artxiboaren proiektua aurkeztu dute
Aurkeztu dute ondare kulturala jaso nahi duen proiektua; eman beharreko urratsen berri izan zuten arloan aritutako herritarrek
Herritar ugari elkartu zen liburutegian, proiektuaren azalpenak entzuteko.
Talde eragilea
Oiartzungo Udaleko ordezkariez gain, talde eragilea Suberri Matelok, Leire Mitxelenak eta Eneko Salaberriak osatzen dute, ondarea jasotzen esperientzia dutenak. Del Olmok esan zuen dirua badagoela, gastatu behar dela eta horrelako lan batek konpromisoa eskatzen duela. Prozesuaren eskemari errepasoa eman zion jarraian. Helburua, ondarea biltzea da, eta herritarren esku uztea. Lehenago, inbentarioa egin behar da, eta hori eginda, bilketa egin. Puntu horretan, zehaztu zuen kontuz ibili behar dela zer biltzen den. “Fisikoki zaila izango da dena gordetzea. Balorea eman nahi diogun hori ezin dugu izkina batean utzi”, esan zuen Del Olmok. Argitalpena etorriko litzateke azkenik. Horretarako, elkarlana funtsezkoa izango dela nabarmendu zuen, ondarea jaso duten beste eragileekin: Gordailua, Euskaltzaindia (eurek dute Eugenio Arozenaren antzerki ondarea), Ttur-ttur (ahozko ondarearekin), Soinuenea, Luberri… Hori bai, zer jasoko duten zehaztu nahi dute. Horretarako irizpideak finkatu nahi dituzte, eta abiapuntua liburuak, dokumentuak eta ikus-entzunezkoak izango dira.Profesional bat
Aurten inbentario lanak egiteko proposamena luzatu zuten. Horretarako, batzorde bat eratu nahi dute —Ondarearen Mahaia—, eta udalak hainbat baliabide jarriko ditu mahai gainean: espazio fisikoa eta digitala; eta 6.000 euro, (12.000ra arte igo daiteke kopurua). Gainera, profesional bat kontratatu nahiko lukete lan horretarako. Udalaren webgunean sail propioa izango du Oiartzungo Herri Artxiboaren proiektuak. Ikusi nahi duenak, eskuragarri du orain arte egin dutena.
