Auzitegiek arrazoia eman diete Ainhoa Intxaurrandietari eta Iñaki Errazkini

46 milioi euro arteko zigorra eskatzen zuen akusazioak haientzat, errauste planta eraikitzeko kontratua bertan behera uzteagatik. GHK-ko zuzendaritza berriak jarri zuen Errazkin eta Intxaurrandietaren aurkako salaketa joan den urrian.

oarsoaldea

Lezo

2018/10/10

Ainhoa Intxaurrandieta.

BERRIAren webgunetik hartutako informazioa 46 milioi euro arteko zigorra eskatzen zuen akusazioak haientzat, errauste planta eraikitzeko kontratua bertan behera uzteagatik. GHK-ko zuzendaritza berriak jarri zuen Errazkin eta Intxaurrandietaren aurkako salaketa joan den urteko urrian. Epaitegiek, kasu honetan Espainiako Kontu Auzitegiak, arrazoia eman die Intxaurrandietari eta Errazkini. Duela bost urte, 2013ko azaroan, EH Bildu Gipuzkoako Foru Aldundian zela GHK Gipuzkoako Hondakinen Kontsortzioak ezeztatu egin zuen Zubietan errauste planta bat eraikitzeko aurreko legealdian buruzagi jeltzaleek hitzartuta utzi zuten kontratua, eta jakinarazi zuen kalte-ordainak itundu zituela enpresa eraikitzaileekin —8,2 milioi ordaindu zizkion GHK-k adjudikazioa zuen enpresa taldeari—. Ingurumen diputatua zen orduan Iñaki Errazkin eta Partzuergoko presidentea Ainhoa Intxaurrandieta lezoarra. Donostiako auzitegi batek kontratua bertan behera utzi izana legez kanpokotzat jo ondoren, GHK-ko zuzendaritzak, jeltzale eta sozialisten aldeko botoekin, erabaki zuen Errazkin eta Intxaurrandieta auzitara eramatea. 46 milioi eurorainoko zigorrak jaso zitzaketen auzipetuek. Biek ala biek aitortu zioten orduan BERRIAri, ez zutela halakorik espero: “Guk hartutako erabaki guztiak eta emandako pauso guztiak juridikoki akasgabeak izan ziren”. Bi buruzagi ohiek apirilean deklaratu zuten Espainiako Kontuen Auzitegian, eta bertan berretsi zuten aurretik esandakoa, alegia, euren alde bozkatu zutenek bazekitela kontratua bertan behera uztea zela euren asmoa, eta bozkatzaileekin hitzartutako kontratua betetzea izan zela Intxaurrandieta eta Errazkinek egin zutena. Lotura duten albisteak:

+ Ainhoa Intxaurrandietarri HITZAk egindako elkarrizketa (martxoaren 23koa).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.