[Bideoa] Markeliñeren 'Euria'k Pasaia bustiko du

Hilaren 13an taularatuko dute Juanba Berasategi aretoan familientzako antzerki emanaldia.

olatz mitxelena

2019/01/03

Hizkuntza propio bat du Amorebieta- Etxanoko antzerki konpainiak.

Ikuskizun Onenari Feten Saria lortu zuen Markeliñek 2017an Euria antzezlanarekin, eta iaz, berriz, Cornel Todea Saria, Bukaresten, Errumanian. Testurik gabeko lan bat da, musikak gidatuta eta 6 urtetik gorako ikusle ororentzat aproposa. Pasaian hilaren 13an taularatuko dute, 18:00etatik aurrera, Donibaneko Juanba Berasategi Aretoan. Sarrerak, 3 euroan, Internetez eros daitezke aurrez. Antzezlanak maite dugun norbait jadanik ez dagoenean gertatzen zaigunari buruz hitz egiten du, eta zerbait aldatu dela ulertzeko eta onartzeko behar dugun denbora guztiari buruz. Ur tantak, bi aterkiekin bizi den pertsonaia, lanabes kaxa bat, eskegitzeko gantxoak…. eta horien guztien ondoan, oroitzapenen iratzargailua eta baita marraztutako eguzkia ere, altxatzeko eta aurrera egiteko dugun gaitasunaren metafora gisa. Fernando Barado, Natalia Garcia, Nerea Martinez, Ioar Fernandez eta Itziar Fragua antzeztuta, lanak ordubeteko iraupena du. Amorebieta-Etxanoko antzerki konpainia bat da Markeliñe, 1985 urteaz geroztik oso estilo pertsonalarekin ikuskizunak sortzen dabilena. Hizkuntza propioa lortu izanak eman dio publiko eta kritikaren aitortza, eta Euskal Herrian ez ezik, nazioarteko oholtza askotan egin da ezagun. Musika izaten da Markeliñeren sorkuntzatan emozioen hari gidaria, keinuetan eta ikusmenean oinarritutako hizkuntzaren bilaketa etengabean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Bideoa] Markeliñeren 'Euria'k Pasaia bustiko du

Gipuzkoa

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik