Jaialdia (Errenteria-Orereta): Atlantikaldia
Ostegunean hasi zen Atlantikaldia kultur topaketa eta musika jaialdia, bosgarrenez herrian. Jende, adin eta gustu guztietarako ekintzak prestatu dituzte, ia 100 lau egunetarako. Hona hemen gaurko egitaraua:
-10:00. San Marko gotorlekura bisita, ingurua eta eskualdea ezagutzeko.
-10:30. Herriko Plazatik, herriko Alde Zaharreko aztarna arkeologikoak ezagutzeko pista jokoa, 5-12 adin tarteko haurrentzat.
-11:00. Herrixkan, trikuharri baten eraikuntza egingo dute, eta bidean Oarsoaldeko ondare megalitikoa eta bere ezaugarriak ezagutzeko aukera izango da.
-11:00. Herriko Plazan, Estitxu Pinatxo eta Mikel Santxezen eskutik Dama Beltzak-en kontzertua.
-11:00. Herrixkan, itsasoaren balioen gaineko ipuin kontaketa.
-12:00. Herriko Plazan, Agustina Otaola raketistan oinarritutako dantza ikuskizuna Ereintza taldearen eskutik, eta Maddalen Arzallus bertsoariaren partaidetzarekin: Gu Agustina!
-12:00. Herrixkan, Errenkoalderen piratak margotuko dituzte, eta emaitza etxera eraman.
-12:00. Herriko Plazatik, Alde Zaharreko aurkikuntza arkeologikoak ezagutzeko bisita gidatua euskaraz.
-12:30. Herrixkan, Dizdizka abesbatzaren emanaldia.
-13:30. Herriko Plazan, Sonakay taldearen kontzertua.
-14:30. Amulletako Danborren Kofradiak gidatuta, ibai ertzera kalejira Albaolatik etorritako ontziak agurtzeko.
-15:00. Albaolako ontziak ibaian behera abiatuko dira. 2018ko Atlantikaldia amaitu da.
