Bilduma 23 aurkeztu dute
Bilduma aldizkariaren 23. alea aurkeztu dute gaur. Ale berrian herriarekin lotutako lau lan aurkituko dituzte irakurleek: Josean Ruiz de Azuaren Regoyos y Errenteria, Ainhoa Rodriguez Lopezen La técnica pictórica en relieve del brocado aplicado en e...
Bilduma aldizkariaren 23. alea aurkeztu dute gaur. Ale berrian herriarekin lotutako lau lan aurkituko dituzte irakurleek: Josean Ruiz de Azuaren Regoyos y Errenteria, Ainhoa Rodriguez Lopezen La técnica pictórica en relieve del brocado aplicado en el tríptico de la Asunción-Coronación de la Virgen de Renteria, Txema Arenzanaren Los seles en Errenteria: una primera aproximación, Jose Ramon Urquijo Goitia Joseph Agustin Imaz Baquedano, de Renteria al Ministerio de Hacienda. Gainontzekoak Fiona Aranguren Celorrioren El correo electrónico como documento de archivo eta Jose Luis de la Granja eta Santiago de Pabloren Guia de fuentes sobre la Guerra Civil en el País Vasco.
Leonor Garcia Erredakzio Batzordeko kideak jakinarazi du aurten 400 ale argitaratu dituztela 5.000 euroren truke. Errenteriako Udaleko Kultura Sailak dauka aldizkaria argitaratzeko ardura.
Hala, Joxe Mari Burgos Kultura zinegotziak nabarmendu du aurtengo alearen aniztasuna, posta elektronikoa bezalako tresna moderno batetik hasi eta brokatu aplikatura arte. Espainiako Gerrari tokia egin izana ere aipatu du Burgosek.
Juan Carlos Merino Errenteriako alkateak gogorarazi du idazleek modu altruistan lan egiten dutela Bilduma aldizkarian, eta eskerrak eman dizkie egindako ahaleginarengatik.
