Gernikako Akordioa bere egin du Udal Gobernu Taldeak
Urteko lehendabiziko udalbatzarra izan zen pasa den asteazkenean. Bertan, Gernikako Akordio gisa ezagutzen den mozioa onartu zuen udalbatzarrak gehiengoz, Gobernu Taldearen aldeko botoekin: «Normalizazio politikorako prozesu demokratiko bat abiatu dadin lehenengo urratserako ahalegina da testua». Besteak beste, «eskubide guztien aitortza; ETAk nazioarteko komunitateak egiaztatzeko moduko su-eten iraunkor eta aldebakarrekoa aldarrikatzea; euskal preso politikoen kontra aplikatzen den espetxe politika etetea; nazioarteko begiraleen parte-hartzea; jurisdikzio eta epaitegi bereziak indargabetzea; jarduera politikoagatik epaitu diren pertsona eta erakundeen aurkako prozesuak berraztertzea» eskatzen du akordioak. Euskal Herriko gatazka armatua eta politikoa gainditzeko bide baketsuak soilik erabiltzea babesten du mozioak eta elkarrizketa eta negoziazio politikoa Euskal Herriko gatazka buka dadin. Oiartzungo Aralar, EA, Ezker Abertzalea, ESK, LAB, Amnistiaren Aldeko Mugimendua, Etxerat, Gazte Independentistak eta Ikasle Abertzaleak-ek aurkeztu zuten mozioa. Gobernu Taldearen izenean, Pavel Viñas zinegotziak hitz egin zuen: «Erakunde publikook ere urratsak eman behar ditugu. Konponbiderako eskubidea dugu, eta herritarren indar metaketa gakoa da». OiartzunBai abstenitu egin zen: «Akordio honek puntu positiboak baditu, baina ETAk aldebakarretik eta baldintzarik gabe armak uzten ez dituen bitartean ezinezkoa da guk bat egitea». Gainerako gai guztiak ahobatez onartu zituzten zinegotziek. Tartean, Udal Ikastola Partzuergoari aurten egingo zaion diru ekarpena (guztira, 670.500 euro). Zerrendaz kanpo, ondasun publikoa berreskuratzeko tramiteak martxan jartzea [...]
Urteko lehendabiziko udalbatzarra izan zen pasa den asteazkenean. Bertan, Gernikako Akordio gisa ezagutzen den mozioa onartu zuen udalbatzarrak gehiengoz, Gobernu Taldearen aldeko botoekin: «Normalizazio politikorako prozesu demokratiko bat abiatu dadin lehenengo urratserako ahalegina da testua».
Besteak beste, «eskubide guztien aitortza; ETAk nazioarteko komunitateak egiaztatzeko moduko su-eten iraunkor eta aldebakarrekoa aldarrikatzea; euskal preso politikoen kontra aplikatzen den espetxe politika etetea; nazioarteko begiraleen parte-hartzea; jurisdikzio eta epaitegi bereziak indargabetzea; jarduera politikoagatik epaitu diren pertsona eta erakundeen aurkako prozesuak berraztertzea» eskatzen du akordioak.
Euskal Herriko gatazka armatua eta politikoa gainditzeko bide baketsuak soilik erabiltzea babesten du mozioak eta elkarrizketa eta negoziazio politikoa Euskal Herriko gatazka buka dadin. Oiartzungo Aralar, EA, Ezker Abertzalea, ESK, LAB, Amnistiaren Aldeko Mugimendua, Etxerat, Gazte Independentistak eta Ikasle Abertzaleak-ek aurkeztu zuten mozioa.
Gobernu Taldearen izenean, Pavel Viñas zinegotziak hitz egin zuen: «Erakunde publikook ere urratsak eman behar ditugu. Konponbiderako eskubidea dugu, eta herritarren indar metaketa gakoa da».
OiartzunBai abstenitu egin zen: «Akordio honek puntu positiboak baditu, baina ETAk aldebakarretik eta baldintzarik gabe armak uzten ez dituen bitartean ezinezkoa da guk bat egitea».
Gainerako gai guztiak ahobatez onartu zituzten zinegotziek. Tartean, Udal Ikastola Partzuergoari aurten egingo zaion diru ekarpena (guztira, 670.500 euro). Zerrendaz kanpo, ondasun publikoa berreskuratzeko tramiteak martxan jartzea erabaki zen. «Izan ere, Bidegik A-8aren ondoan Iberdrolaren kutxatila eta transformadorea jartzean herribidea bereganatu du, baimenik gabe», jakinarazi zuten.
Era berean, Aitor Etxeberria alkateak eskatuta, idazkariak Kode Etikoa betez, Alkatetzako urtarrileko dieta eta ordezkapen gastuen berri eman zuen. Guztira, 1.137 euro gastatu ditu Alkatetzak hilabete horretan, «guztiak urteko harpidetzak ordaintzen».
