OBren lan ildoarekin jarraituko du Hamaikabatek
Oiartzungo Hamaikabatek (H1!) zerrenda eta programa aurkeztu ditu. Hona zerrenda: Xanet Arozena Muxika. Gemma Roteta Lopetegi. Jagoba Larburu Iza. Alex Los Santos Ferreres. Lali Santesteban Elizaga (independentea). Cristina Martinez Garrido (independentea). Iñaki Olaizola Antxustegi (independentea). Gemma Lopetegui Oliva (independentea). Ester Giner Garcia (independentea). Rafael Bergaretxe Urdanpilleta (independentea). Mirari Aduriz Cazabon (independentea). Eugenio Arocena Eguimendia (independentea). Jacinto Larburu Lecuona (independentea). Programari dagokionez, OiartzunBai udal taldearen bozeramale eta Oiartzungo alkatetzarako Hamaikabaten hautagai Xanet Arozenak azaldu du OiartzunBaik (OB) irekitako filosofiarekin jarraitu dutela argitu du: “Independenteak gure zerrendara gehitzea bilatu dugu, alderdi politikoen eta siglen gainetik oiartzuarron bizitza-kalitatea hobetzea helburu duen pertsona taldea”. 13tik 8 dira independenteak H1!en zerrendan. Arozenak argi utzi nahi izan du OiartzunBaikin azken lau urteetan egin duten lan ildo bera jarraitu nahi dutela, “dena gatazkarekin estaltzen eta nahasten dutenen aurrean, guk bizilagunentzat garrantzitsuak direnak lehenetsiko ditugu, farolak, paseoak, zerbitzuak, zaborrak…”. H1ek lehenesten dituenak, besteak beste, auzoen biziberritzea eta etxebizitza eskubidea bermatzea dira. Arozenaren hitzetan, “planeamendua bertan behera uztearekin ezker abertzalearen gobernuak auzoetan martxan egon behar zuketen zerbitzu eta ekipamentu guztiak bertan behera utzi zituen eta gainera, Oiartzungo gazteei herrian etxebizitza bat lortzeko aukera debekatu die”. Arozenak nabarmendu du udal kudeaketak hobetzeko izan behar duela eta horretarako ezinbestekoa dela gardentasuna [...]
Oiartzungo Hamaikabatek (H1!) zerrenda eta programa aurkeztu ditu.
Hona zerrenda:
- Xanet Arozena Muxika.
- Gemma Roteta Lopetegi.
- Jagoba Larburu Iza.
- Alex Los Santos Ferreres.
- Lali Santesteban Elizaga (independentea).
- Cristina Martinez Garrido (independentea).
- Iñaki Olaizola Antxustegi (independentea).
- Gemma Lopetegui Oliva (independentea).
- Ester Giner Garcia (independentea).
- Rafael Bergaretxe Urdanpilleta (independentea).
- Mirari Aduriz Cazabon (independentea).
- Eugenio Arocena Eguimendia (independentea).
- Jacinto Larburu Lecuona (independentea).
Oiartzungo Hamaikabat
Programari dagokionez, OiartzunBai udal taldearen bozeramale eta Oiartzungo alkatetzarako Hamaikabaten hautagai Xanet Arozenak azaldu du OiartzunBaik (OB) irekitako filosofiarekin jarraitu dutela argitu du: “Independenteak gure zerrendara gehitzea bilatu dugu, alderdi politikoen eta siglen gainetik oiartzuarron bizitza-kalitatea hobetzea helburu duen pertsona taldea”. 13tik 8 dira independenteak H1!en zerrendan.
Arozenak argi utzi nahi izan du OiartzunBaikin azken lau urteetan egin duten lan ildo bera jarraitu nahi dutela, “dena gatazkarekin estaltzen eta nahasten dutenen aurrean, guk bizilagunentzat garrantzitsuak direnak lehenetsiko ditugu, farolak, paseoak, zerbitzuak, zaborrak…”.
H1ek lehenesten dituenak, besteak beste, auzoen biziberritzea eta etxebizitza eskubidea bermatzea dira. Arozenaren hitzetan, “planeamendua bertan behera uztearekin ezker abertzalearen gobernuak auzoetan martxan egon behar zuketen zerbitzu eta ekipamentu guztiak bertan behera utzi zituen eta gainera, Oiartzungo gazteei herrian etxebizitza bat lortzeko aukera debekatu die”.
Arozenak nabarmendu du udal kudeaketak hobetzeko izan behar duela eta horretarako ezinbestekoa dela gardentasuna eta parte-hartzea. “Ez dugu beste batzuk bezala egingo, lehenik parte hartzeaz hitz egiten dutela eta gero foro guztiak manipulatu eta inposatu egiten dutela, edo gardentasunaz hitz egiten dutenean bezala, gero beraien zaleak kolokatzeko txiringitoak antolatzen dituztenean”, salatu du.
Hamaikabatek gogoan izan du krisia ere eta berebiziko garrantzia eman dio lanpostuak sortzeari. Oiartzungo familiek beharrezkoak dituzten diru-sarrerak lor ditzaten Oarsoaldearekin eta behar den guztiarekin lan egingo dutela azaldu du. Era berean, Oiartzungo artzain eta abeltzain txikiak ere gogoan izan dituzte, udalarekin harreman gatazkatsua izan baitute azken urteetan; Arozenak akordioetara iristeko borondatea azaldu du, “ahal den neurrian denon gustukoa izango den akordioa lortzen saiatuko gara, adiskidekeriarik edo faboritismorik gabe”.
Hamaikabatek, alkatetzarako bere hautagaiaren bitartez oiartzuarrei ardura eskatu die: “Oiartzungo bizilagun bakoitza bere bozkaren jabe da. Bizilagunak dira zein motako udala nahi duten erabaki behar dutenak, beste guztiaren aurretik gatazka lehenesten duen udala, ala oiartzuarren bizitza-kalitatea lehenesten duena. Maiatzaren 22an ez da gatazkaren konponbidea erabakiko; Oiartzunen zaborra nola biltzea nahi dugun erabakiko da, gure seme-alabak Oiartzunen bizi ahal izango duten erabakiko da, esaploiei, paseoei, ekipamentuei, zerbitzuei buruz erabakiko da…Oiartzuni buruz erabakiko da”.
