Galizia izango da aurten Donibaneko Euskal Jaiko gonbidatua
Euskal kulturarekin zerikusia duten ekitaldiak bildu dituzte Bixi-Bixi Kultur Elkarteko kideek eta Euskal Jaia antolatu dute igande honetarako. Aurtengo gonbidatua Galizia izango da eta herrialde horretako kultura hobeto ezagutzeko aukera izango dute igandean Donibanera hurbiltzen direnek. Antolatzaileek aurreko urteetako arrakasta errepikatu nahi dute eta laugarren aldi honetarako ere egun osoko egitaraua prestatu dute. Eguna txistulariek estreinatuko dute dianarekin, eta gero trikitilariek eta dultzaineroek hartuko dute lekukoa. Eguerdian, 200 haur inguru Meipin elkartuko dira eta Santiago plazaraino desfilean joango dira. Lapurdiko Akelarre, Irungo Ibarla-Meaka, Lezoko Murixka, Antxoko Alkartasuna eta San Pedroko Lamiak taldeek hartuko dute parte. Bertso bazkaria plazan Goizean goizetik txekorra erretzen arituko dira plazan ondoren bazkaltzeko. Aurreko urteetan bezala, bertsolariek girotutako bazkaria izango da. Aurten, Jon Maia, Amaia Agirre, Amets Arzallus eta bertsolari gazteak arituko dira. Bazkarirako txartelak Pari Berrin eta Itziar tabernetan eros daitezke 20 euroren truke. Haurrentzeko menu berezia prestatuko dute 7 euroren truke. Egunean zehar, bestalde, Galiziako pintxoak dastatzeko aukera izango da, bazkalostean keimada eta zozketa izango dira besteak beste. Egitaraua 10:00etan. Diana txistulariekin. 11:30ean. Kalejira trikitilariekin. 11:30ean. Dantzari txikien desfilea. Akelarre, Alkartasuna, Murixka, Ibarla-Meaka eta Lamiak taldeek hartuko dute parte. 12:00etan. Joaldunak herritik zehar ibiliko dira eta beraiekin batera Galiziako gaiteroak izango dira. 13:00etan. Txalapartariak [...]
Euskal kulturarekin zerikusia duten ekitaldiak bildu dituzte Bixi-Bixi Kultur Elkarteko kideek eta Euskal Jaia antolatu dute igande honetarako. Aurtengo gonbidatua Galizia izango da eta herrialde horretako kultura hobeto ezagutzeko aukera izango dute igandean Donibanera hurbiltzen direnek. Antolatzaileek aurreko urteetako arrakasta errepikatu nahi dute eta laugarren aldi honetarako ere egun osoko egitaraua prestatu dute.
Eguna txistulariek estreinatuko dute dianarekin, eta gero trikitilariek eta dultzaineroek hartuko dute lekukoa. Eguerdian, 200 haur inguru Meipin elkartuko dira eta Santiago plazaraino desfilean joango dira. Lapurdiko Akelarre, Irungo Ibarla-Meaka, Lezoko Murixka, Antxoko Alkartasuna eta San Pedroko Lamiak taldeek hartuko dute parte.
Bertso bazkaria plazan
Goizean goizetik txekorra erretzen arituko dira plazan ondoren bazkaltzeko. Aurreko urteetan bezala, bertsolariek girotutako bazkaria izango da. Aurten, Jon Maia, Amaia Agirre, Amets Arzallus eta bertsolari gazteak arituko dira.
Bazkarirako txartelak Pari Berrin eta Itziar tabernetan eros daitezke 20 euroren truke. Haurrentzeko menu berezia prestatuko dute 7 euroren truke.
Egunean zehar, bestalde, Galiziako pintxoak dastatzeko aukera izango da, bazkalostean keimada eta zozketa izango dira besteak beste.
Egitaraua
10:00etan. Diana txistulariekin.
11:30ean. Kalejira trikitilariekin.
11:30ean. Dantzari txikien desfilea. Akelarre, Alkartasuna, Murixka, Ibarla-Meaka eta Lamiak taldeek hartuko dute parte.
12:00etan. Joaldunak herritik zehar ibiliko dira eta beraiekin batera Galiziako gaiteroak izango dira.
13:00etan. Txalapartariak plazan.
13:00etan. Ikurrinari Agurra dantzatuko diote.
13:15ean. Dantzarien ikuskizuna.
14:30ean. Bertso bazkaria Santiago plazan. Ondoren, bertsolariak.
17:15ean. Dangiliske euskal txaranga eta kantu jira Santiago plazan.
18:00etan. Sokatira desafioa: 1995eko Kontxako txapeldunak 1999ko Kontxako txapeldunen kontra.
18:30ean. Dantzaldia Santiago plazan Patxi Perez eta konpainiarekin.
20:30ean. Zezen suzkoa.
