Lehen asteburuan jendetza bildu da Musikaz Blai ekimenean
Barrutiko kantu jira lehen aldiz irten zen larunbatean, eta bi orduz aritu ziren kantari. Indartsu hasi da Trintxerpen Musikaz Blai ekimena. Jendetza bildu da asteburuan izan diren ekitaldi guztietan, eta hori dela eta pozik daude antolatzaileek. Adin ...
Barrutiko kantu jira lehen aldiz irten zen larunbatean, eta bi orduz aritu ziren kantari.
Indartsu hasi da Trintxerpen Musikaz Blai ekimena. Jendetza bildu da asteburuan izan diren ekitaldi guztietan, eta hori dela eta pozik daude antolatzaileek.
Adin eta gustu guztietarako ekimenak izan dira. Txikienei bideratutako jarduerak ostegunean eta ostiralean izan ziren, eta harrera oso ona izan zuten. Ostiralean, bestalde, tronboi jotzaile gazteen kontzertua izan zen Serafin Esnaola plazan eta fanfarrea ere aritu zen kaleak alaituz.
Larunbatean musika koralaren txanda izan zen, baina batez ere nabarmentzekoa, barrutiko kantu jiraren lehen irteera publikoa izan zen. Jendetza bildu zen herri abesbatzara, eta bi orduz egon ziren kalez kale kantari.
Gozatzeko askoz gehiago
Gaur eta bihar ere badira musika eskolako ikasleen kontzertuak, eta asteburura begira askoz ere jarduera gehiago iragarri dituzte. Pailazoak, joera berriak lantzen dituzten musika taldeen emanaldiak, dantza solteko txapelketa… iragarritakoak non eta noiz diren jakiteko hitza.info kontsulta daiteke
