Ekitaldiko azken plenoa egin dute
Larunbatean hasiko da legegintzaldi berria, baina gaur zaharra ixteko legegintzaldiko azken plenoa egin dute. Azken bost udalbatzarretako aktak onartu behar zituzten zinegotziek, baina batik bat maiatzaren 28ko ezohiko udalbatzarrean (lan jazarpenaren arduradunak argitzea zuen helburu) izan ziren tira-biren ondorioz, zertxobait gehiago luzatu da eztabaida. Pleno horren harira, ezker abertzaleko zinegotziek adierazi dute bilkura isilpekoa izan bazen ere, udalbatzarraren gehiengoak irekia izatea erabaki zuela, eta horrenbestez, bertan esan zena aktan biltzeko eskatu dute. Hain zuzen, arrazoi horiek bilduz enpresa batzordeak idazki bat igorri diete zinegotziei eskatuz egun horretako udalbatzarreko aktaren zirriborroa ez onartzeko. Iñaki Queralt ezker abertzaleko zinegotziak gogorarazi du udalbatzarraren eskumena dela eta ez alkatearena plenoa isilpeko bezala aitortzea. Juan Carlos Merinok erantzun dio hori “berak eginiko interpretazioa” dela. Gaineratu du bere iritziz, udalbatzar hori isilpekoa izan behar zela, eta udalbatzarrak kontrakoa esan arren, berak bere ardurapean isilpekoa izatea erabaki zuela. Ildo horretatik, Karlos Murua ezker abertzaleko zinegotziak adierazi du azken finean, akta horren zirriborroaren arduraduna idazkaria dela. Aktaren arduradun bezala idazkariak erantzun du, eta esan du ezin duela alkateak erabakitzen duenaren kontra egin: “Zaila litzateke ulertzea alkateak isilpeko biltzarra aitortu ondoren, idazkariak akta publiko bat deklaratzea hurrengo egunean”. Eztabaida horren ondoren, botoa eman dute, eta Gobernu Taldeak (PSE-EE, EAJ, [...]
Larunbatean hasiko da legegintzaldi berria, baina gaur zaharra ixteko legegintzaldiko azken plenoa egin dute. Azken bost udalbatzarretako aktak onartu behar zituzten zinegotziek, baina batik bat maiatzaren 28ko ezohiko udalbatzarrean (lan jazarpenaren arduradunak argitzea zuen helburu) izan ziren tira-biren ondorioz, zertxobait gehiago luzatu da eztabaida.
Pleno horren harira, ezker abertzaleko zinegotziek adierazi dute bilkura isilpekoa izan bazen ere, udalbatzarraren gehiengoak irekia izatea erabaki zuela, eta horrenbestez, bertan esan zena aktan biltzeko eskatu dute. Hain zuzen, arrazoi horiek bilduz enpresa batzordeak idazki bat igorri diete zinegotziei eskatuz egun horretako udalbatzarreko aktaren zirriborroa ez onartzeko.
Iñaki Queralt ezker abertzaleko zinegotziak gogorarazi du udalbatzarraren eskumena dela eta ez alkatearena plenoa isilpeko bezala aitortzea. Juan Carlos Merinok erantzun dio hori “berak eginiko interpretazioa” dela. Gaineratu du bere iritziz, udalbatzar hori isilpekoa izan behar zela, eta udalbatzarrak kontrakoa esan arren, berak bere ardurapean isilpekoa izatea erabaki zuela.
Ildo horretatik, Karlos Murua ezker abertzaleko zinegotziak adierazi du azken finean, akta horren zirriborroaren arduraduna idazkaria dela. Aktaren arduradun bezala idazkariak erantzun du, eta esan du ezin duela alkateak erabakitzen duenaren kontra egin: “Zaila litzateke ulertzea alkateak isilpeko biltzarra aitortu ondoren, idazkariak akta publiko bat deklaratzea hurrengo egunean”.
Eztabaida horren ondoren, botoa eman dute, eta Gobernu Taldeak (PSE-EE, EAJ, H1) eta PPk akta hori onartzearen alde egin dute. Ezker abertzaleak eta EBk kontra bozkatu dute.
Apirilaren 15eko udalbatzarreko (Murias Center 4ren ekonomia eta finantza egoera aztertzeko batzorde berezi bat osatzea erabaki zuena) eta maiatzaren 20ko aktei (aurrekontuak eztabaidatu zituzten) dagokionez ere kritikak egin dituzte ezker abertzaleko zinegotziek ez zituztelako bildu lehenengo aktan, Sabecokoko langile batek egindako adierazpenak, eta bigarrenean enpresa batzordeko bati ez zitzaiolako parte hartzen utzi. Bi akta horietan ere kontra bozkatu dute ezker abertzaleak eta EBk, eta gainontzeko talde guztiek alde; horrenbestez gehiengoz aurrera atera da. Bakarrik apirilaren 29ko akta atera da bakarrik aho batez.
Horrez gain, Gobernu Batzorde eta hainbat informazio batzordeetako aktak onartu dituzte zinegotziek.
