Bertso saioa egingo dute etzi, Gazte1+ez ekimenaren harira
Gazte1+ez ekimenak bere dinamikarekin jarraituko du. Etzi arratsaldean bertso saioa antolatu dute ekimeneko kideek. Errenteria-Oreretan izango da bertso saioa, Errenteria Hiria kulturgunean (Niessenen) izango da bertso saioa.
Sei bertsolari gaztek (30 urtetik beherakoak denak) hartuko dute parte saio horretan. Honakoak dira oholtzara igoko diren bertsolariak: Alaia Martin, Jokin Labayen, Haritz Casabal, Ander Lizarralde, Egoitz Zelaia eta Arkaitz Oiartzabal Xamoa. Gaiak jartzen, berriz, Ion Ansa bertsolaria ariko da.
Igandeko bertso saiora joan nahi duenak sarrera eros dezake Errenteria-Oreretako Landare tabernan. Sei euro balio du txartel bakoitzak. “Elkartasunezko” prezioa dela esan dute antolatzaileek.
