Erreboteko Euskal Herriko Finala bertan behera geratu zen igandean, Hazparnen (Lapurdi) euria ari zuelako. Etzi jokatuko dute, azkenean, 10:30ean. Bestalde, Joko Garbiko Euskal Herriko finalerdia edo finalaurrekoa ere jokatuko dute etzi Txosteko pilota...
Herrizaingo Sailetik jakinarazi dutenez, asteburuan bi pertsona atxilotu dituzte herrian, edanda gidatzea leporatuta. Lezon eta Irunen beste bi pertsona atxilotu zituzten, herri bakoitzean bana. Asteburuan, guztira hemezortzi pertsona atxilotu ditu Ert...
Gazte Foruak antolatutako Xanistebanetako Futbito Txapelketako (gazteentzat) partidak ostegunetan izango diren arren, bi partida jokatu gabe gelditu ziren pasa den ostegunean. Atzo jokatu zituzten. Emaitzak ondorengoak izan ziren: Katxondoak-A Taldea, ...
Dantzan Hondarribia 2011 II Choreographic Summer Stage, ostiralean hasiko da, eta hainbat dantza estilotako ikastaroak emango dituzte igande arte. Iaz egin zuten, lehen urtez, eta izandako arrakasta ikusita, aurten ere egingo dute. Horrela, Pilar Peña Dantza eskolak antolatuta, Espainiako Estatuko dantza irakasle adituak etorriko dira Hondrribira, eta hiru eguneko dantza ikastaroak emango dituzte. Aurten ere, iazko irakasleek errepikatuko dute jardunaldietan. Honakoak dira: Amaya Galeote (klasikoa), Joaquin Lopez (garaikidea), Fernando Lazaro (jazz lirikoa eta garaikidea), Iker Karrera (jazz funk), Sabrina Vidal (hiphop) eta Silvi Rodriguez (house, voguing & waacking). Irakasleen artean, Frantziako telebista batean lanean ibili den Iker Karrera hondarribiko dantzaria nabarmendu behar da. Azken plazak ostiral arte Aurten topaketarako izena eman duten dantzarien %50a, Hondarribia kanpokoak dira. Hala, antolatzaileek jakinarazi dute plaza gutxi geratzen direla. Ikastaroan parte hartu nahi dutenek, www.dantzan2011.com-en eman behar dute izena. 626 283 659 telefono zenbakira deituz ere eman daiteke izena. Aurten iaz bezala, ikastaroek Kutxaren eta Coca Colaren laguntza dute. Dantza eta oporrak Dantzari profesionalentzat, dantza irakasleentzako eta ikasleentzako antolatutako topaketa, goi mailako irakasle eta koreografoekin teknika eta hainbat dantza lantzeko aukera izateaz gain, jendea ezagutzeko eta opor giroaz gozatzeko aukera da.
Karmenak hastear daude eta honezkero ospakizunetan dabiltza trintxerpetarrak. Bihar abestuko du pregoia Trintxer Zahar abesbatzak, Karmengo Amaren parrokian, 20:00etan. Ordu erdi lehenago, parrokian bertan, Karmengo Amaren aldeko hirurrena izango da. T...
Emakumeetan Hondarribia eta San Juan ariko dira Getaria-Tolosa, Zumaia eta Oriorekin batera. 19:00etatik aurrera jokatuko da bihar Getarian Gipuzkoako Txapelketa. Guztira, bederatzi traineruk parte hartuko dute gizonen estropadan, eta emakumeen estropadan, aldiz, bost. Gizonen estropadan parte hartuko duten bederatzi traineruetatik bost, Oarso Bidasoa eskualdekoak dira. Hibaika, Trintxerpe, Pasai Donibane, Hondarribia eta San Pedro izango dira nor baino nor, eta haiekin batera baita Kaiarriba, Zumaia eta Zarautz. San Miguel Ligako azken estropada irabazita, indartsuen Hondarribi heldu da Gipuzkoako Txapelketara. Iaz beraiek irabazi zuten txapelketa eta orduko garaipena errepikatzeko asmoz itsasoratuko dira gaur. Gainontzekoek, baina, ez diote titulua irabazteko aukerari hain erraz ihes egiten utziko. Printzipioz, eta San Miguel Ligako sailkapenera erreparatuta, Hondarribiarekin batera, sanjuandarrak dira faborito. Zumaia eta San Pedro, lirateke, hurrenez hurren haien ondotik aukera gehien dituztenak. Trintxerpe, Hibaika eta Getariaren arteko lehia estua espero da. Emakumeetan, Getaria-Tolosa faborito Gizonek soilik ez. Emakumeek ere gaur dute jokoan Gipuzkoako txapelketa, Getarian bertan. Bost traineru eta faborito argi bat: Getaria-Tolosa. Edonola ere, tarteak ez dira handiak, eta Hibaikako neskekin osatutako Zumaiako ontzia ere gogor ari da Ligan, beraz sorpresak ezin baztertu. San Juango neskak ere irabazteko asmoz itsasoratuko dira eta zailagoa duten arren Hondarribikoak ere, gogor borrokatuko dira.
“Egun batean egiteko sortu zen, 1989. urtean, eta kasik giroak eta herriko jendeak eskatuta jarraitu du; oharkabean, hamahiru urte pasatu dira”. Jon Maia Ereintzako kidearen hitzak dira, Erromeria Egunari buruz. Larunbatean berriro itzuliko da, eta egun osoko ekitaldia prestatu du Ereintza Dantza Taldeak herritar guztiek parte hartu dezaten. Atzo aurkeztu zuten ekitaldia, eta ordezkaritza zabala bildu zen: Ereintzako kideak, Alkarkide txarangako kideak, Sunbillako joaldunak eta udalaren izenean, Garazi Lopez de Etxezarreta Kultura zinegotzia. Aurtengo berritasun nagusia herri bazkariarekin etorriko da. Orain arte, Galtzarabordako kiroldegian egin izan da, baina aurten Koldo Mitxelena plazara eramango dute. 500 pertsonentzako menua prestatuko dute Intxaurrondoko Lagunek, eta sarrerak salgai daude Ereintza elkartean, Arkaitza tabernan eta Belen gozotegian 15 eta 10 euroren truke. Jaialdi gaztea izan arren, pixkanaka finkatzen ari dela nabarmendu zuten antolatzaileek. Jaialdiarekin batera finkatzen ari den beste ekimena neskatxen soka dantza da. Duela lau urte herrian zegoen ikuspegia gizonek bakarrik egiten zutela zela jakinarazi zuen Maiak, eta horri buelta emate aldera orduz geroztik neskatxena ari direla sustatzen. Bestalde, larunbateko Erromeria Egunarekin lotuta, dantza ikastaroak egiten ari dira. Gaur, 19:00etatik 20:30era jauzien gaineko oinarrizko pausoak irakatsiko dituzte, eta bihar, berriz, Aiko taldearekin dantza lotuak nola egiten diren ikasi ahal izango dute izena ematen dutenek. [...]
Donosti Cupeko baloia gelditu da, eta futbol jokalari gazteek agur esan diote elkarri, behintzat, datorren urtera arte. Astebetez Oarsoaldeko hiru zelaietan (Fanderia, Beraun eta Oiartzun) etorkizuneko jokalarien erakusleihoa den txapelketako partidak jokatu dituzte, baina iritsi da agurtzeko garaia, eta baita zenbakiak ateratzeko garaia ere. Antolatzaileek zehaztu dutenez, 42 partida inguru jokatu dituzte eskualdeko zelai bakoitzean. Bertan, mundu osotik etorritako taldeek neurtu dituzte indarrak, etxeko taldeak baztertu gabe. Frantziatik, AEBetatik, Australiatik, Senegaldik, Erresuma Batutik eta beste zenbait txokotatik etorri dira. Konpetentzia handia izan den arren, eskualdeko taldeek ere nahiko maila ona erakutsi dute. Oiartzun, esaterako, txapeldun izan da G-18 taldean. Orereta Cafe, berriz, txapeldunorde izan da, B-19 taldean. Kontsolazio fasean, berriz, txapeldunorde izan dira Allerru eta Behobia. Antolatzaileak, pozik Eskualdeko partidekin eta horien kudeaketarekin pozik azaldu dira Donosti Cupeko antolatzaileak. Oro har, txapelketan kirol maila ona egon dela nabarmendu du Jordi Telletxea kirol zuzendariak, eta inolako arazorik ez dutela izan lehiatik kanpo. Eskualdeko zelaietan ere tratu ona jaso dutela zehaztu du Telletxeak. Oiartzunen, esaterako, Koldo Fernandezek egin duen lana aipatu du; Fanderian, berriz, Touring taldearen kudeaketa, eta Beraunen, instalazioen arduradunaren tratua. Behar izan duten guztietan laguntza eman dietela adierazi du, eta hori eskertzekoa izan dela. Orain, atsedenaldia dator, baina irailetik aurrera, [...]
Gero zale gehiago ditu Done Jakueko bideak. Donibanen iaz zabaldu zuten aterpea, kostaldeko bidea egiten dabiltzan erromesak hartzeko, eta bertan lanean dabiltzan boluntarioak emandako datuen arabera, iaztik hona %22ko gorakada izan du kostaldeko bidea egiten duten erromesen kopuruak. Felix Boledo, Iñaki Goikoetxea eta Xatur Telletxea aritzen dira Donibanen boluntario. Telletxeak esan duenez, apirilaz geroztik 630 erromesek hartu dute ostatu Donibanen. Horietatik gehienak Alemaniatik datoz, hango gidetan «aterpe garrantzitsu» gisa ageri da eta Donibanekoa. 128 alemaniar pasatu dira aurten Donibaneko aterpetik; 110 frantziar, 30 italiar, 30 holandar, 14 korear; AEBtako sei lagun; Singapurreko hiru; Hego Afrikako bi lagun eta israeldar bat. Kataluniatik 35 lagun izan dira eta Madriletik 30. Euskal Herritik aldiz, 22 lagun baino ez. Erromesen erdia baino gehiago emakumeak dira. Gehienetan oinez eta bakarrik iristen dira aterpera, eta txirrinduan, gutxi batzuk baino ez. Aurten sei txirrindularik baino ez dute ostaturik hartu Donibanen.
Minbiziaren Aurkako Espainiako Elkartearen Bidasoako delegazioak, gaur, bihar eta etzi azaleko minbizia ekiditeko prebentzio kanpaina egiten ari da Hondarribiko hondartzan. Elkarteko kideak, bolondresez osatutakoa, hondartzako erabiltzaileengana zuzend...
Lezoko Tesinsa enpresak zortzi langile kaleratu dituela eta, manifestazioa antolatu du LAB sindikatuak ostegun eguerdirako. Tesinsa lantegitik (108 poligonoan dago enpresa, Olaizola kalean) aterako da manifestazioa, 12:00etan. Greba eguna ere antolatu dute langileek ostegunerako. Eraikuntza enpresa da Tesinsa. Oarso Bidasoko LABeko arduradun Zorion Ortigosak azaldu du egoera: “Eraikuntza enpresa denez, urte askoan irabazi handiak izan ditu. Gehienbat obra publikoak egin ditu, eta horiei esker irabazi du dirua”. Kaleratu dituzten zortzi langileek kontratu finkoa dutela dio Ortigosak. “Tesinsan denbora asko daramaten langileak dira kaleratu dituztenak; ez dira bi hilabeterako kontratatu dituztenak”, azaldu du. “Malgutasun kontuak” Kaleratzea salatzeaz gain, “kontratuen malgutasun kontuak” ere salatu nahi ditu LAB sindikatuak. “Enpresaren jokaera salatu nahi dugu: lan gutxiago dagoenean kontratuekin nahi dutena egiten dute, eta jendea kaleratzeko aprobetxatzen dute”. Horrela, mobilizazioak planteatu dituzte Tesinsan, “nahiz eta, historikoki, asko mugitu den enpresa ez den izan”. LABek ditu Enpresa Batzordeko bost ordezkariak, eta kezkatuta daude enpresaren etorkizunarekin, urteetan lan publikoak egin dituelako eta orain obra horiek behera egin dutelako. Pasa den otsailean ere mobilizatu ziren Tesinsako langileak. Orduan suspentsioa proposatu zuen enpresak, lan falta argusiatuz. “Hainbat langile langabeziara joango ziren, gero itzultzeko konpromisoarekin”, esan du Ortigosak. Hala ere, enpresak behin-behineko kontratua zuten zortzi langile kaleratu zituen, langileen [...]
Azaroaren 19an bilduko dira 1961. urtean jaiotako antxotarrak kintoak ospatzera. Antolatzaileek eguna baino ez dute jakitera eman oraingoz, baina irailetik aurrera ospakizunaren gaineko berri gehiago zabalduko dutela iragarri dute. Izen emateari ere, i...
Atzo banatu zituzten III. Argazkiez blai! lehiaketako sariak, eta iaz bezala, berriro sari nagusia Mikel Mitxelena Txami oiartzuarrak eskuratu zuen. 7 am izeneko argazkia izan da irabazlea, epaimahaiak hala erabakita. Hiru mailatan, hiru sari nagusi banatu zituzten herenegun, eta horrez gain, Oiartzungo argazki onenari saria. Interneteko sariak, berriz, hutsik geratu dira. Gazteria eta Kirol Sailetik jakinarazi zutenez, hainbat erabiltzailek ez dute behar bezala parte hartu lehiaketan, eta webgunearen erabilera okerra egin dute. Hala, sailak berak eta epaimahaiko kideek erabakita, hutsik geratu dira maila guztietako Interneteko sariak. Datorren urtera begira, sari hori mantendu, aldatu edo zer egin pentsatuko dutela jakinarazi dute. Gazteria eta Kirol Saileko kideek eta epaimahaiak nabarmendu zutenez, maila altua, «polita» izan da aurten ere lehiaketan, baina Interneteko arazoari esker, horietako batzuk lehiaketatik kanpo geratu dira. 157 parte hartzaile izan dira, eta 412 argazki igo dituzte. Orain, argazkiekin erakusketa jarri dute udaletxeko areto nagusian. hilaren 21a arte egongo da jarrita. Haurrak (12 urte arte) 1. Lanaren emaitza, Peru Ruiz de Azua. 2. Denbora igarotzen den bitartean, Lide Galdos. 3. Itsas txakur trebea, Sara Perez. Oiartzungo onena. Arrain bitxia, Maialen Lekuona. Nerabeak (13-17) 1. Santirso, Asier Badiola. 2. Amish-ak volleyballean, Uxue Arretxea. 3. Atardecer, Nico Meyer. Oiartzungo onena. Harkaitzan gora [...]