Hiri debekatuaren mapa ekimenaren lehenengo tailerra Anakan
Gaur egingo dute Anakako Auzo Elkartean Hiri debekatuaren mapa ekimenaren barruan antolatutako ikastaro sortatik lehena, 18:00etan. Udalak antolatu ditu bilerak, azken urteotan Irungo Bilgune Feministak egindako lanean oinarritzat hartuz, eta Emakunder...
Gaur egingo dute Anakako Auzo Elkartean Hiri debekatuaren mapa ekimenaren barruan antolatutako ikastaro sortatik lehena, 18:00etan. Udalak antolatu ditu bilerak, azken urteotan Irungo Bilgune Feministak egindako lanean oinarritzat hartuz, eta Emakunderen eta Murgibe berdintasunerako aholkularitza erakundearen laguntza izan du. Tailerren helburua Emakumeek seguruak sentitzen ez dituzten lekuak identifikatzea da, horiek hobetu ahal izateko.
Gaur Anaka, Puiana, Urdanibia eta Belaskoeneako puntu beltzak aztertuko dituzte eta bihar hoien bisitaldia egingo dute. Hala egingo dute gainontzeko auzoetan ere, hots, tailerra egun batean, eta zehaztutako leku debekatuen ikustaldia hurrengoan.
Auzoetako tailerrak
- Anaka, Puiana, Urdanibia eta Belaskoenea. Hilaren 26an, 18:00etatik 20:00etara Anakako Auzo Elkartean (Anaka, 46). Ikustaldia hilaren 27an ordu berean.
- Artia, Behobia eta Ibarla. Hilaren 28an, 18:00etatik 20:00etara Argoiak emakume elkartearen egoitzan (Uztapide bertsolariaren, 6). Ikustaldia hilaren 29an ordu berean.
- Erdialdea, Santiago, Alde Zaharra eta Dunboa. Hilaren 30ean, 18:00etatik 20:00etara Santiagoko Auzo Elkartean (Santiago, 51). Ikustaldia urriaren 1ean, 11:00etatik 13:00etara.
- Larreaundi, Lapitze eta Olaberria. Urriaren 3an, 18:00etatik 20:00etara Larreaundiko Auzo Elkartean (Iñigo Loiolakoa, 9). Ikustaldia urriaren 4an, ordu berean.
- San Migel, Anzaran eta Pinudia. Urriaren 5ean, 18:00etatik 20:00etara Anzaraneko Auzo Elkartean (Hendaia, 13). Ikustaldia urriaren 6an ordu berean.
