Hilabete honetan ere erakusketa berria dute Garmendi txokolategian. Hala, txokolategia irekita dagoen ordutegian bertara gerturatzen direnek Juan Telletxearen egur taila erakusketa ikusi ahal izango dute, hilaren 31 arte.
Bihar bukatzen da epea udalak antolatzen dituen haurrentzako eta nerabeentzako tailerretan izena emateko. Komikiak, manga, ilustrazioa, pintura, marrazketa… orotarikoa da eskaintza. Izena emateko 943 00 43 30 telefono zenbakira deitu behar da, 14...
Egungo egoera politikoaren azterketa egiteko helburuz, Antxoko ezker abertzaleak herri batzarra deitu du biharko (hilak 7, ostirala). 19:00etan bilduko dira, Basari elkartean.
Zabalenea II gaztetxeak 11 urte beteko ditu aurten, eta urtero moduan behar bezala ospatuko dute urteurrena. Horretarako, gaztetxeko kideek hainbat ekitaldi antolatu dituzte herriko gazte guztiei begira, bihartik hasi eta datozen asteetarako. Antolatzaileek Gazte Eguna ere izan dute oinarrian. Izan ere, uztailean egindako ekimen horretan, herriko gazteen arazoez hitz egiten aritu ziren, eta hala nola, sozioekonomia, kultura, aisialdia, errepresioa, hezkuntza, euskara eta komunikazioa izan ziren kezka gehien sortarazten zien gaiak. Ekimen horretatik abiatuta, “gazte asanblada indartu eta zabaltzeko aukera paregabea” ikusi dute Zabalenea IIko kideek, eta horrenbestez, hausnarketa horren bideari jarraituz, hilaren 29rako hainbat ekintza prestatu dituzte. Ekitaldi nagusia goizean izango da, eta gazte eztaibadak egingo dituzte parte hartzaileen artean, uztailean hautemandako arazoez hitz egiteko. Patinekin eta bizikletekin Hori, ordea, ez da ekintza bakarra izango. Etzi, gurpil poteo informatiboa egingo dute Herriko Enparantzatik hasita. Patinak eta bizikletak ateratzeko eskatu diete herritarrei poteoa egiteko. Horrekin batera, datozen asteetarako prestatutako ekintzen berri emango diete (ondoko koadroan daude zehaztuta). Gauean, berriz, musikari egingo diote tartea Sutura, The Fe Kaos eta talde sorpresarekin. Antolatzaileek herriko gazte guztiak animatu dituzte antolatutako ekimen guztietan parte hartzera. Egitaraua Etzi 18:00etan. Gurpil poteo informatiboa Herriko Enparantzatik hasita. Patinak, bizikletak edo dena delakoa eramateko eskatu dute antolatzaileek. 22:30ean. Kontzertuak [...]
Bihar Chachachat antzezlana ematekoak ziren Errenteria Hiria Kulturgunean 20:00etan, baina antolatzaileek jakinarazi dutenez, bertan behera geratu da,”taldearen arazoak direla eta”. Eragozpenengatik barkatzeko eskatu dute.
Urriko odol erauzketa saioa datorren asteartean izango da. 18:00etatik 20:00etara izango da elkartasun keinua egiteko aukera anbulatorioan. Ondoren, odola eman dutenei askaria emango diete. Herritarrei odola ematera animatzeko deia egin diete.
Joan den asteburuko Zaharren Egunaren harira, egoitzetan sartzeko zain dauden irundarren itxaron zerrenda Gipuzkoako handiena dela salatu du EAJk —354 egunekoa, aldundiaren datuen arabera—, eta Arbesko egoitza lehen baino lehen eraikitzeko exijitu ...
Aitor Azurkiren Maizales bajo la lluvia liburuaren aurkezpena egingo dute ostiralean Amaia Kultur Zentroan, 19:30ean. Faxismoaren aurkako borrokalariei omenaldia egiten die Azurki donostiarrak bere azken lanean, eta horietako batzuen testigantzak jaso ...
Irungo Udaleko Euskara Zerbitzuak Merezi Duelako programa abiatu zuen 2009an, euskararen familia bidezko transmisioa sustatzeko. Horren baruan kokatzen da Familiaola programa, aisiako tailerrak baliatuz, “euskararekin modu naturalean kutsatzeko&#...
Azken urteetako ohiturari jarraituz, aurten ere Jai Batzordeen arteko desafioa egingo dute herriko auzoetako jaien antolatzaileek. Arraguan izango da, etzidamu —igandean—, 11:00etatik aurrera. Arraguako Jai Batzordeak antolatu du.
Hiru taldek joko dute bihar (hilak 7) Mogambon: Yob, Dark Castle eta Kongh. 21:00etan hasten da kontzertua eta serrera bertan erosiz gero 10 euro balio du. Aurrez ere eskura daiteke www.Ticketea.com helbidean.
Tolosan ekingo dio etzi (hilak Donibane Majestik-ek denboraldiari, 18:00etatik aurrera, Usabalen jokatutako duten partidarekin. Lurraldeko Bigarren Mailako taldeak, berriz, etxean du lehen partida, bihar (hilak 7), 20:15etik aurrera, Eibarren kontra.
Sei egun barre egiteko. Pasaiako XXX. Umorezko Antzerki Jardunaldiak bidearen bueltan dira eta atzo aurkeztu zituzten, San Pedroko Udal Aretoan, antzerki tailerreko zuzendari Miguel Galdindo, kultura teknikari Arrate Arozena, kultura zinegotzi Juanra Cano eta Teresa Calo aktorea bertan zirela. Pasaitarra izanik Trintxerpen eman zituen lehen urratsak antzerkigintzan Calok, bertako tailerrean, eta atzo pozik agertu zen berak ekoiztutako Carrera de Obstáculos antzezlana bertan estreinatuko dutelako, hilaren 16an. Bi egun lehenago abiatuko dira antzerki jardunaldiak, hilaren 14ean. Asteburu horretan eta hurrengoan izango dira antzerki emanaldiak, eta sei egunetan umore azkarrenaz jositako bederatzi antzezlan ikusteko aukera izango da. Emakumea eta gazteak Umorea eta kalitatez gain, antolatzaileek hizkuntza eta genero irizpideak zaindu dituzte, eta aurtengo jardunaldiak femenino eta feministatik asko izango dutela ohartarazi zuten. Berritasun gisa aurten gazteentzako ikuskizun bat badela aipatu zuten, sexua gai hartuta. Egitaraua Hilak 14 Vaiven. Lotsa gabe antzezlana, gazteentzat eta helduentzat, 10:45ean eta 20:30ean, San Pedroko Udal Aretoan. Hilak 15 Riki Lopez eta Topo. Buen Rollitina antzezlana eta Sonrisas de muerte, hurrenez hurren, 22:30etik aurrera, Antxoko Kultur Etxean. Hilak 16 Teresa Calo. Carrera de obstáculos antzezlana aurkeztuko du, 20:00etan, San Pedroko Udal Aretoan. Hilak 21 Markeliñe. Uharte ezezaguna. Eskolentzako emanaldia 10:30ean, eta 15:00etan, San Pedroko Udal Aretoan. Hilak 22 [...]
Saskilagunak saskibaloi taldeak aurten ez du talderik izango Gipuzkoako Lehenengo Mailan. Duela bi denboraldi igotzea lortu zuen eta iaz Lehenengo Mailan egoteaz gain, lauko finala jokatu zuen taldeak. Aurten, berriz, aterako den senior taldeak Hirugar...
Sasoi aldaketako kontzertua antolatu du berriro HMT Herri Musikaren Txokoak. Udazkeneko Kontzertua datoren larunbatean izango da, hilaren 15ean, 18:30etik aurrera, Herri Musikaren Txokoan bertan. Bi talde igoko dira taula gainera: Blackleg Minor eta Le...
Aste honetan Beraun eta Fanderiako bizilagunekin elkartuko dira Errenteriako Udaleko ordezkariak. Zehazki, astelehenean, Beraungo auzotarren txanda izango da, eta 19:30ean bilduko dira, auzo elkartean. Asteazkenean, berriz, Fanderiakoei tokatuko zaie, ...
Euskaraz, katalanez eta galizieraz idazten duten idazleak elkartzen dituen erakundeak, Galeuscak, urteroko ohiko batzarra egin du zuen asteburuan Bartzelonan, eta salatu zuten euren identitateen aitortzan inboluzioa izan dela, atzera egin dela. 1976ko Galeusca Pasaian egin zuten, Antxon, uztailaren 8an. San Fermin Jaietan murgilduta zeuden, eta propio festetarako jartzen zuten zezen plazan jaialdia egin zuten. Pasaia gaur aldizkari historikoaren laugarren zenbakian jaialdiaren gaineko kronika agertzen da, Antxotarrok Historia Mintegiaren antxo.com webgunean jasoa. Pasaia gaur horretan Galeuscaren azalpen motz baina zehatza eman zuen kazetariak: «Galeusca izena Espainiako Estatuan dauden hiru herri zapalduen izenetatik dator: GALiza, EUSkadi, CAtalunya». Kronistaren arabera, Espainiako Estatuko «herri zapalduez mintzatzeko» Galeusca izena erabili zuen Daniel de Castelaok. Euskal Herriko lehena 1976ko Antxoko jaialdia, Euskal Herrian egin zen lehen Galeusca izan zen. Sinbolismoz beteta egon zen, izan ere, orduan ikurrina ez zen legezkoa, eta Antxoko zezen plazan Galiziako eta Kataluniako banderak bakarrik jarri ahal izan zituzten hasieran, ikurrinari hutsunea emanaz. «Jende ororen pentsamenduan zegoen gure ikurrina, eta gure herriak jasaten duen zapalketa gogorraren seinale bikaina izan zen hutsune hura», jakinarazi zuen Pasaia gaur-eko kazetariak. 5.000 pertsonekin beteta zegoen zezen plaza. Euskal Herriko ordezkari moduan Gontzal Mendibilek, Xeberrik eta Peio eta Pantxoak kantaldia egin zuten. Galiziako ordezkaria Miro Casabella izan [...]
Oiartzungo Udalak 2012rako egutegia osatzeko argazki lehiaketa antolatu du. Parekidetasuna da gaia eta edozein oiartzuarrek parte har dezake, argazki bat baino gehiago bidalita. Kalitateari eta formatuari dagokionez, argazkiek hainbat baldintza bete be...
Fanderiako Erdiko Erreka auzo elkarteak hainbat ekintza antoladu ditu 2011-2012 ikasturterako. Ikastaroak Aulas Kutxarekin batera prestatu dituzte, eta dagoeneko hasi dira horietako batzuk, eta falta direnak datozen egunetan hasiko dira (ondoko koadroan daude zehaztuta). Izena telefonoz eman beharko da, eta honakoak dira zenbakiak: 636 73 19 39 (Esther Roso: Antzerki eta gorpuz adierazpena eta haurrentzako pintura), 647 22 27 58 (Arantxa Terra: antzerkia), 649 54 71 54 (Julia Maestre: dantza latindarrak), 600 39 31 93 (Ramon Albistur: Clown ikastaroa), 615 73 38 31 (saltsa). Antolatzaileek auzotarrak eta auzokoak ez diren guztiak animatu dituzte ikastaroetan parte hartzera. Haurrentzako pintura lehiaketa Hilaren 16ari begira (igandea da), berriz, Haurrentzako VII. Pintura eta Marrazketa Lehiaketa Errenteriako eta eskualdeko haurrentzat antolatu dute. Oraindik ez dute ofizialki aurkeztu, baina egun horretan 10:00etan elkartuko dira parte hartzaileak, eta 13:00etarako entregatu beharko dituzte lan guztiak. Bi maila izango dira: A mailan 6-9 urte artekoak bilduko dira, eta B mailan, berriz, 10-14 urte artekoak. Gaia aukeratzeko askatasun osoa edukiko dute parte hartzaileek: paisaia, eraikina, errealitatearen kopia edo irudimenetik ateratakoa. Sariak hilaren 23an banatuko dituzte, Fanderiako lokalean, 17:00etan. Ikastaroak Asteartetan: 17:30-19:30. Antzerki eta gorputz adierazpen ikastaroa. Asteazkenetan: 18:30-21:30. Clown ikastaroa. Ostegunetan: 19:00-21:30. Antzerki tailerra. Ostiraletan: 17:30-19:30. Haurrentzako pintura. 18:45-21:15. Saltsa. [...]
Oarsoaldeko AEKko euskaltegiek, pasa den astelehenean hasi zuten ikasturtea eta balorazio ezin hobea egin du Oarsoaldeko AEKren zuzendari Borja Arbelaitzek. “Matrikulazio kanpainangenion herritar eta erakundeei euren beharretara egokitutako eus...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
