Bi hilabetetan Txartel Bakarra hiri barneko autobusean erabili ahal izango da
Errenteriako Udalak eta Gipuzkoako Foru Aldundiak hitzarmena sinatu dute, hiri barneko autobus linean Lurraldebusen Txartel Bakarra erabili ahal izateko. Gaur eman dituzte urtebeterako sinatu duten akordioaren xehetasunak Jon Txasko Ogasun zinegotziak ...
Errenteriako Udalak eta Gipuzkoako Foru Aldundiak hitzarmena sinatu dute, hiri barneko autobus linean Lurraldebusen Txartel Bakarra erabili ahal izateko. Gaur eman dituzte urtebeterako sinatu duten akordioaren xehetasunak Jon Txasko Ogasun zinegotziak eta Unai Erroitzenea Mugikortasuneko eta Garraio Publikoko Zuzendari Nagusiak. Bi hilabeteren barruan erabili izango da hiri barneko autobus linean Txartel Bakarra. Horretarako, udalak 100.000 euro inbertitu ditu, eta beste 45.000 euro erabiliko ditu ohiko gastuan.
Txartela erosteko 5 euro ordaindu beharko dira, eta ohiko tarifez gain, tarifa bereziak izango dira haurrentzat (10 urtetik beherakoentzat), gazteentzat (24 urtetik beherakoentzat), helduentzat (65 urtetik gorakoentzat) eta ezinduentzat (% 65 edo hortik gorako minusbaliotasuna dutenentzat). Horrez gain, tarifa soziala ere izango da Oinarrizko Errenta edo Gizarte Politikako Departamentuak emaniko osagarriak jasotzen dituztenentzat. Horiek hobariak jasoko dituzte %10 eta %100era bitartean.
Hobari horien kontu aldundia egingo da. Horrez gain, aldundiak 37.500 euro emango dizkio udalari makinak jartzeko eta autobusetako softwarea aldatzeko.
Bi aldeak pozik azaldu dira hitzarmenarengatik, eta mugikortasunean urrats bat dela nabarmendu dute. Aurrera begira, txartel bakarra Renfe eta EuskoTrenera zabaltzeko lanetan ari direla ere jakinarazi du Erroitzeneak.
