Larunbatean Irungo epaitegien aurrean elkarretaratzera deitu du Hondarribiko Herrirak
Larunbatean, hilak 15, elkarretaratzea egingo dute Irungo epaitegiaren aurrean Gabriel Zelaia eta Juanra Rojo preso irundarrak aska ditzatela eskatzeko eta Hondarribiko Herrirak deia luzatu du bertara joateko. Herriratik esan dutenez, “Zabalari i...
Larunbatean, hilak 15, elkarretaratzea egingo dute Irungo epaitegiaren aurrean Gabriel Zelaia eta Juanra Rojo preso irundarrak aska ditzatela eskatzeko eta Hondarribiko Herrirak deia luzatu du bertara joateko. Herriratik esan dutenez, “Zabalari iaz aplikatu zioten 197/2006 doktrina baina espetxean jarraitzen du, eta Rojo hilaren 3an kartzelatik ateratzekoa zen, baina oraindik preso jarraitzen du eta ez dakigu doktrina aplikatu dioten ala ez”.
Irunera joateko deia egin dutenez, larunbatean ez da eguerdiko elkarretaratzerik egingo Hondarribian.
Gabonetako denda, Muaran
Hondarribiko Herriratik esan dutenez, Gabonetako dendatxoa dagoeneko prest dute Muaran. Egunero irekiko dute, 16:00etatik 20:00etara, eta Olentzerori eskatzeko askotariko opariak aurkitu daitezke bertan “haien artean gure inguruko artistek egindako eskulanak”.
