Bihar, Plazara ekimena, erraldoi eta buruhandiekin
Beti Prest Dantza Elkarteak Plazara ekimena antolatu du biharko (larunbata). Herriko dantzak eta kantak uztartuz egingo dute ekimena, Herriko Enparantzan, eta herriko erraldoi Xanti eta Maialenek bertan parte hartuko dute. Bi taldetan banatuko dira dan...
Beti Prest Dantza Elkarteak Plazara ekimena antolatu du biharko (larunbata). Herriko dantzak eta kantak uztartuz egingo dute ekimena, Herriko Enparantzan, eta herriko erraldoi Xanti eta Maialenek bertan parte hartuko dute. Bi taldetan banatuko dira dantzariak eta erraldoi eta buruhandiak, eta denek bat egingo dute 19:00etan Herriko Enparantzan.
Dantzariak 18:00etan abiatuko dira Musika plazatik, 18:30ean Kutxaren parean geldialdia egingo dute, eta 19:00ak aldera iritsiko dira udaletxe parera. Erraldoi eta buruhandien konpartsa, berriz, 18:15ean aterako da udaletxetik, 18:30ean Xenpelar kaletik Kutxa ondora joango dira, Leku Zarra tabernatik Madalenaren ermitara joateko, eta handik berriz ere udaletxera itzultzeko.
Bide horietan, dantzariek hainbat dantza eta abesti banatuko dituzte herritarrekin. Berdin egingo du erraldoi eta buruhandien konpartsak.
