Hondarribiko kirol taldeen asteburuko emaitzak
Eskubaloiko Euskal Ligan ari den La Bacaladera Hondarribiak garaipen garrantzitsua lortu zuen atzo Escolapiosen aurka (27-23), 18. jardunaldiari zegokion partidan. Garaipenak, hamargarren postua lortzeko borrokan jarraitzeko aukera ematen dio, aurretik dituen bi taldeek ere garaipena lortu baitzuten. Futboleko eta saskibaloiko taldeek, aldiz, etxean galdu zuten eta haien egoera sailkapenean okertu da.
Futboleko Ohorezko Mailan, Hondarribiak etxean galdu zuen Beriorekin, epailea protagonista izan zuen partida batean. Zazpigarren jarraitzen dute, baina seigarrenak, Bergarak, zazpi puntuko tartea ireki du dagoeneko.
Eta saskibaloian are eta ilunago jarri zaizkio gauzak Hondarribia-Iruni, Hondartzan Uni Gironarekin izandako porrotaren ostean. Sailkapeneko azkenak, Bembibrek, ligako hirugarren garaipena lortu du eta jaitsiera postua bi partidara dute orain Anne Peñaren neskek. Lau partida falta dira liga amaitzeko eta datorren asteburuan Bembibreren kiroldegian jokatu beharko dute hondarribitarrek. Irabazita, datorren urtean maila gorenean jokatuko du Hondarribia-Irunek.
FUTBOLA
Erregional Ohorezko Maila- Hondarribia-Berio 0-1
- Hondarribia-Santo Tomas Lizeoa 5-1
- Añorga-Hondarribia 1-3
- Behobia-Hondarribia B 1-0
- Martutene-Hondarribia 5-4
- Mariño-Hondarribia B 5-0
SASKIBALOIA
Emakumeen Liga- Hondarribia Irun-SPAR Uni Girona 42-49
- Aluminio Aleman Goierri-Hondarribia Easo 61-14
- Carnicas San Marcial-Easo Orbela 78-24
- Easo 99 Pagoa-Hondarribia-Irun 67-16
- Easo 00 San Patricio-Hondarribia-Irun 34-53
ESKUBALOIA
Euskal Liga- La Bacaladera Hondarribia-Escolapios 27-23
- Beristain Banaketak Elgoibar-La Bacaladera Hondarribia 31-21
- La Bacaladera Hondarribia-Hotel Txarriduna Elgoibar 29-37
XAKEA
Lurraldeko Preferente Maila- Hondarribia Marlaxka A-Mundarro A 2-2
- Hondarribia Marlaxka B-Arrasate Arlutz C 2-2
- Gros G-Hondarribia Marlaxka C 3,5-0,5
