Gipuzkoako lehen 'Alzheimerrarekiko Hiri Solidarioa' da Hondarribia

admin

Oarsoaldea

2013/03/05

Udaleko alderdi guztiek bat egin dute AFAGIren aldarrikapenarekin

Hondarribia Alzheimerrarekiko Hiri Solidarioa da gaur goizetik eta gaixotasunarekin sentsibilizazioa agertu eta Alzheimerrari buruzko Aliantzak bultzatu duen egitasmoaren alde egiten duen Gipuzkoako lehen udalerria bihurtu da. Gaur goizean sinatu dute udal talde guztiek aho batez onarturiko adierazpen instituzionala, Gipuzkoako AFAGIko presidente Koldo Aulestia eta Bidasoko ordezkari Maria Jesus Garin bertan zirela. Hondarribiko udal ordezkariek “Alzheimerrari buruzko Aliantzak gaixotasunaren inguruko estatu-mailako politika abian jartzea” aldarrikatu dute gaurko ekitaldian. Aulestiak azaldu zuenez, AFAGIk Gipuzkoan eta “elkarteen konfederazioak estatuan” udalerrietara jo dute “Alzheimerraz politika bat finkatzea eskatzeko”. Adierazpen instituzionalaren bitartez Hondarribiko Udaleko udal talde guztiek “arazo larri honekiko duten kezka adierazi” dute, “osasun eta gizarte mailan ematen den arazoa dela gogorarazten dute, “familia delarik zama handiena bere gain hartzen duena”. Izan ere, familia Alzheimerra duten gaixoen familia bakoitzak bataz beste 30.000 euroko gastua izaten du. Egun 8.000 pertsonak dute Alzheimer dementzia Gipuzkoan eta, Aulestiaren esanetan, “30.000 lagunei eragiten die horrek, gaixoen inguruan dauden pertsonak. Uste dut denon daukagula inguruan norbait Alzheimerra edo bestelako dementzia duena”, gehitu du Aulestiak.

Altuna jeltzaleak irakurri du adierazpena

Datozen 20 urtean gaixoen kopurua bikoiztuko dela uste dute adituek. Europako Legebiltzarrak, Europako Komisioak eta Munduko Osasun Erakundeak gomendio batzuk luzatu dituzte, baina Espainiako Estatuan ez dago gaixotasunak eragiten dituen kalteei aurre egiteko plan zehatzik. Horregatik guztiagatik, Hondarribiko Udalak “beste udalerri batzuentzat adibide izan nahi du eta, bide batez, osasun eta gizarte arloetako arazo larri honen inguruko sentsibilizazioa eta gizartearen zein instituzio eta politikarien kontzientziazioa bultzatu”. Ostegunean bilera irekia Aste honetan bilera irekia antolatu AFAGIk Kasino Zaharrean, ostegun arratsalderako, 16:30ean hasita. Garinek azaldu duenez elkartea zabaldu da, “gaixoen eta familiarren elkarte izatetik, gaixo, senide eta lagunen elkartea izatera pasatu da”, eta Hondarribian talde iraunkor bat lortzeko asmoa agertu du, “Irunen elkartzen den bailarako taldeari kalte egin gabe”. Horregatik, Alzheimerra duten gaixoen senideei eta lagunei deia luzatu die, ostegunean Kasino Zaharrean AFAGIko arduradunekin eta gaia lantzen duten profesionalekin elkartzeko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Gipuzkoako lehen 'Alzheimerrarekiko Hiri Solidarioa' da Hondarribia

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean

Luis Mari Goikoetxea hil da, Zumaiako Arraun Elkarteko presidente ohia