Trintxerpeko Itsastarrak-en eta Mendi Zaleak-en Finalista Eguna, 14an
Trintxerpeko Itsastarrak Mendi Taldeak eta Herrerako Mendi Zaleak taldeak, elkarlanean, Finalista Eguna antolatu dute hilaren 14rako (igandea). Egun horretan talde horietan egiten dituzten lehiaketen sariak banatuko dituzte, eta nola ez, ibilaldia egingo dute aurretik, Nafarroan: Erga mendia igoko dute.
Hilaren 14ko 07:15ean aterako da autobusa Nafarroa aldera Trintxerpeko Ospitalillotik. Bidea Lasagaraino egingo dute autobusez, eta bertatik abiatuta igoko dute Erga mendia (1.094 metro). Bertan banatu nahi dituzte sariak, eguraldi ona egiten badu; txarrarekin ondoko baselizan emango dituzte oroigarriak. Hori bide luzea da. Motza, Aginagatik irtengo da, mendiko baselizaraino joateko. Ibilaldia egin ondoren, Irurtzungo Plazaola jatetxean bazkaria egingo dute mendizaleek.
Informazio gehiago jasotzeko edo erreserbak egiteko honako telefono zenbakietara deitu behar dute interesdunek: 943 39 60 55 edo 943 39 07 26.
