Kromoterapia tailerra egingo dute Antxon
Bekoz Beko emakumeen aurkako indarkeriaren kontrako eta berdintasunaren aldeko taldeak antolatuta, kromoterapia tailerra egingo dute hilaren 23an eta 30ean Antxoko Lagun Artea emakume taldearen lokalean, Azokan, 16:00etatik 18:00etara bi egunetan.
Tailerraren helburua da, antolatzaileen arabera, “argiaren eta koloreen munduan sakontzea”. Hala, bi elementu horiek pertsonen bizitzan nola eragiten duten aztertuko dute, besteak beste.
Bertan parte hartu nahi dutenek honako telefono zenbakira deitu behar dute izena emateko, hilaren 21a baino lehen: 679 33 24 11 (Izaskun).
