Gizon bat atxilotu dute goizean Hondarribian, bikotekidea jotzea egotzita

Ertzaintzak gizon bat atxilotu du gaur goizean Portuan, bikotekidea jotzea eta guraize batzuekin mehatxu egitea egotzita. Zazpiak aldera abisu bat jaso du Ertzaintzak, ohartaraziz gizon bat bikotekideari eraso egiten ari zitzaiola, Hondarribian. Santiago kalean emakume bat topatu dute poliziek; ubelduta zuen aurpegia, eta inguruan zegoen gizonezko bat. Andreak ertzainei ziurtatu die inguruan zegoen gizonezkoak eragin dizkiola ubelduak, eta haren bikotekidea zela. Gainera, salatu du gizonak guraize batzuekin mehatxu egin diola. Gizonaren alboan zegoen zakarrontzi batean guraizeak topatu dituzte poliziek, eta atxilo hartu dute. Irungo osasun etxera eraman dute emakumea.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.