Koadrilen herri bazkarirako egitaraua
Irungo festak gaur hasiko dira, gazteen eskutik, gainera. Koadrilen herri bazkaria izango baita Ficoban, Betti Gotti elkarteak antolatuta. Sarrera guztiak agortu dira, eta 1.600 lagun elkartzea espero dute. Kamisetak izango dira aurtengo protagonistak, eta koadrila bakoitzak bere erara pertsonalizatu beharko du, oraingoan, laranja koloreko elastikoa. Ikusteko dago zeinek prestatzen duen kamisetarik orijinalena. Gero, guztien artean onena aukeratuko baitute.
Goizean goiz hasiko dira ekitaldiekin, eta gosaltzeko elkartuko dira Urdanibia plazan. Indarrak hartu beharko dituzte goizari aurre egiteko, koadrilen arteko olinpiadak, kalejira eta poteoa izango baitituzte. Hona hemen egitaraua.
Egitaraua
- 09.30: Gosaria Urdanibia plazan.
- 10.00: Koadrilen olinpiadak Urdanibia plazan.
- 12.00: Txaranga poteoa txaranga eta batukadarekin (Urdanibia eta San Juanen).
- 13.30: Kalejira (Erdigunetik FICOBAra).
- 16.30: Musika zuzenean eta DJ.
- 20.45: Txarangaren itzulera.
