Kampsa Bowl Festen IV. ekitaldia egingo dute Antxon, etzi

Molinaoko Kampsa II.a gunean Kampsa Bowl Festen laugarren ekitaldia antolatu dute larunbaterako. Egun osoko egitaraua izango du. 12:00etatik 15:00etara skate txapelketa egingo dute bertan, hamasei urtetik beherakoentzako. Arratsaldean (16:00etatik 20:00etara) helduen txanda iritsiko da. Kampsa eremuaren hogei urteen historia jasotzen duen dokumentala (Kampsa 20 años) estreinatuko dute gauean, 22:00etatik aurrera. Jaialdia hiru talderen kontzertuarekin itxiko dute. Hiru talde izango dira bertan: Adelit@s (punk; Portland, AEB), Bar Remigio (Bad Religionen bertsioak, Lasarte-Oria) eta Yaw (screamo; Donostia). Ondoren, Dj Naturistak eta Dj Azzidok pintxatuko dute. Ekitaldi guztiak dohainik izango dira, eta garagardoa euro bakarrean eros ahal izango da.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.