Pasaiako euskaltegiek —Txirrita AEKk eta Udal Euskaltegiak— matrikulazio kanpaina aurkeztu dute. Errelebo lasterketa bezala irudikatu zuten ostiralean bi euskaltegietako kideek Andonaegiko futbol zelaian irudikatu zuten errelebo ematea. “Denok dugu euskararen lasterketa honetan erreleboa hartzeko aukera eta premia: erdal hiztunek euskara ikasiz eta euskal hiztunek ikasten ari direnekin eta gainontzeko euskaldunek”, esan zuten euskaltegietako arduradunek. Spot txiki bat ere grabatu zuten.
2013/2014 ikasturtea hainbat berritasunekin datorrela jakinarazi zuten bi euskaltegietako arduradunek. Horrela, lanik gabe daudenentzako hiruna hilabeteko ikastaro trinkoak eskainiko dituzte, dohainik. Lehenengo ikastaroa urria eta abendu artean egingo dute, bigarrena urtarrila eta martxoa artean, eta azkena apirila eta ekaina artean.
Ez da euskaltegian matrikulatzeko akuilu bakarra izango. Horrela, beka sistema hobekuntza bat egingo dutela esan dute. Diru laguntza handiagoa jasoko dute honako baldintza hauek betetzen ditu
Pasaiako euskaltegietako kideak matrikulazio kanpaina aurkezten.
ztenek: langabetuak direnek, ikasleek, 0 eta 12 urte arteko haurrak dituzten gurasoek eta merkatariek. Hori bai, %85eko asistentzia izan beharko dute eskoletara. Gainontzekoei, azken baldintza hori beteta, %75 deskontatuko zaie.
Merkatariei beste eskaintza bat egingo diete Udal Euskaltegiak eta Txirrita AEKk. Horrela, lana dela eta, dituzten zailtasunengatik, on-line ikastaroa egiteko aukera izango dute. Ez dute euren dendetatik mugitu beharko. Merkatariek astean ordubete bakarrik joan beharko dute euskaltegira, mintza saioan aritzera. Gainera, establezimendura joango zaien tutorea izango dute.
Izena eman nahi dutenek euskaltegietatik pasatu beharko dute hilabete honetan.
- Udal Euskaltegia (Euskadi etorbidea, 61, Trintxerpe). Telefono zenbakia: 943 00 43 40. Helbide elektronikoa: euskal@pasaia.net.
- Antxoko Txirrita AEK euskaltegia (Zumalakarregi, 9, Antxo). Telefono zenbakia: 607 54 53 81.