San Juan plazako liburutegiaren izenaren prozesua eteteko eskatu du oposizioak

irungo hitza

Oarsoaldea

2013/09/18

Liburutegi berriaren muntai informatikoa.

Irungo oposizioak —EAJk, Bilduk, PPk era EB-Bk— bat egin du San Juan plazako liburutegi berriaren izenaren gaineko kezka agertzeko. Izena aukeratzeko prozedurari buruzkoa da ezinegona. Izan ere, oposizioko alderdiek uste dute Jose Antonio Santano alkateak “lapurtu” egin diela liburutegi horren izenaren gainean “eztabaidatu edo proposamen ezberdinak egiteko aukera”. Horrela, kultur azpiegiturari Carlos Blanco Aginaga izena “bere kabuz eta oposizioko taldeoi prentsaren bitartez berria publiko egin baino ordu gutxi batzuk lehenago informatuz” jarri diola alkateak esan dute oposizioko kideek, “irundarron aurrean berari ez dagokion protagonismoa lortzeko azpijokoa” erabiliz. Oposizioko alderdiek nabarmendu dute Juan Carlos Aginaga zenaren eta haren izenaren kontra egoteko ez dutela arrazoirik, baina izena hautatzeko prozeduran jarri dute gaiaren erdigunea. “Santano jaunarengan jada ohikoak bilakatzen ari diren horrelako jarreren aurrean nahikoa dela esateko ordua iritsi da. Liburutegiaren izendatze prozesua eten, eta erabaki hori adostasunez eta denon aukerak errespetatuz hartzeko bitartekoak martxan jar ditzan eskatzen diogu”, esan dute oposizioko alderdi guztietako kideek. Hala, oposizioak alkateak “talde guztien adostasuna” bilatzeaz hitz egiten duela gogorarazi du, “eta bere helburua lortu du. Hala ere, adostasuna oposizioko taldeen aldetik etorri da”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

San Juan plazako liburutegiaren izenaren prozesua eteteko eskatu du oposizioak

Gipuzkoa

Gipuzkoako zahar etxeetako langileek «propaganda» egiteari uzteko eta baliabideak jartzeko eskatu diote aldundiari

Donostiako Udalak 502 milioi euroko aurrekontua aurkeztu du 2027rako, %1,2 handiagoa

Tsai Ming-Liang zinemagilearen erakusketa bat ireki du Tabakalerak, ibili ahala inguruari erreparatzeko

Pasaiako portuan saihesbide bat egitearen alde agertu dira alderdiak, titulartasunaren gatazkak gorabehera

30 urte bete ditu Eibarko Portaleak, eta «erakusketa handi bat» hartuko du ostiraletik aurrera

Hasi dira Escalerillas eraisten

Bihar irekiko dute Morlansko tunela, oinezkoentzako ere atonduta