Sevilla IIko presoek gose greba bertan behera utzi dute, 31 egun eta gero

Herenegungo agerraldian, presoaren senide eta lagunak

Herenegungo agerraldian, presoaren senide eta lagunak

Sevilla IIn borrokaldian zeuden presoek bertan behera utzi dute borrokaldia, 31 egun ondoren. Horien artean Juantxo Lasa Txikierdi oreretarra zegoen. Bertako euskal presoen egoera salatzeko abiatu zuten gose greba urriaren 28an. “Sevillako egoera ez da atzo goizekoa. Espetxeko isolamenduan kokatzea ez ezik, zigor erregimen iraunkorra aplikatzen baitiete. Patio orduetan elkarrekin atera beharrean bananduta irtetera behartzen dituzte, etengabeko miaketak jasan behar izaten dituzte eta osasun eskubidea ez zaie bermatzen”, oroitarazi du Euskal Preso Politikoen Kolektiboak (EPPK). Beheko PDFan dago EPPKren adierazpena. Etxerat-ek Twitter bidez jakinarazi du albistea, eta nabarmendu du Sevilla IIko presoen egoera ez dela aldatu, eta euren eskubideen alde lanean jarraitzeko asmoa azaldu du. EPPKren agiria
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.