Zinema Zabalduz-en barruan, 'Tres bodas de más'
Ostegun honetan ere, hilak 12, erretiratuek pelikula bat prezio murriztuan ikusi ahal izango dute, Zinema Zabalduz ekimenaren barruan. Oraingo honetan, hain zuzen, Tres bodas de más proiektatuko dute.
Pelikula 18:00etan hasiko da Niessen zinemetan, baina ordu erdi lehenago, kafea hartu ahal izango dute, harrera gunera joaten direnek.
Kafea eta zinemarako txartela 2,40 euroan eskuratu ahal izango dute erretiratuek jubilatu elkarte bateko txartela erakutsita. Dagoeneko salgai daudela aurreratu dute Niessen zinemetatik.
Ostegun honetan aurkeztuko duten filma Javier Ruiz Calderaren azken lana da. Aurretik Spanish Movie zuzendu du.
