Deustuko Unibertsitateak informazio saioa antolatu du Ficoban

Deustuko UnibertsitateaHilaren 26an, asteazkena, informazio saioa egingo du Deustuko Unibertsitateak Ficobako bigarren aretoan, 19:00etan hasita. Batxilergoko ikasleei eta euren gurasoei informazioa emateko saioa izango da, 2014-2015 ikasturtean Deustuk Donostiako eta Bilboko campusetan eskainiko dituen titulazioen gainekoa. Titulazio horien barruan daude Ekonomia, Enpresa Zientzietako, Zuzenbideko, Psikologiako, Hezkuntzako, Gizarte eta Giza Zientzietako eta Ingenieritzako graduak eta gradu bikoitzak. Horrez gain, gradu eta gradu bikoitz berrien berri ere emango dute. Unibertsitateko arduradunak ikasleen zalantzak argituko dituzte, hainbat gairen gainekoak: ikasketa planak, lanbideko praktikak, nazioarteko programak, atzerrian ikasteko aukerak, bekak, eskolaz kanpoko jarduerak, onarpen prozesua, baldintza ekonomikoak, nolakoa den unibertsitatea eta bestelakoak. Honakoak dira gradu berriak:
  • Zuzenbidea eta IKTen Zuzenbideko espezialitatea (Bilbon).
  • Industria Ingeniaritza Teknikoa (Bilbon).
  • Jarduera Fisikoa eta Kirolaren Zientziak (Bilbon).
  • Enpresen Administrazioa eta Zuzendaritza eta International Management Skills (Donostian).
Eta gradu bikoitz berriak honakoak dira:
  • Zuzenbidea eta Komunikazioa (Donostian).
  • Jarduera Fisikoa eta Kirolaren Zientziak eta Lehen Hezkuntza (Donostian eta Bilbon).
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.