Lezon ez dute Espainiako bandera nahi

Ikerne Zarate Gartziarena

Lezo

2014/03/22

Ikurrinaren Aldeko Eguna egiten ari dira gaur Lezon. EAEn Espainiako Gobernuak duen ordezkariaren eskaeraren harira auzibide guztiak agortuta, derrigor jarri beharko dute udaletxean Espainiako bandera, eta horren harira horren kontrako eta ikurrinaren aldeko mobilizazio eguna egiten ari dira Lezon. Bertan parte hartu dutenek ez dute Espainiako bandera ikusi nahi udaletxean, eta Inposaketarik ez, Lezon ikurrina leloarekin kalejira egin dute goizean herritik zehar. Kalejira Gurutze Santuaren plazan bukatu da. Bertan ekitaldia egin dute, Hitza hartu dutenek esan dute herriko elkarte eta talde gehienek bat egin dutela ikurrinaren aldeko manifestuarekin, eta horiek denak zerrendatu dituzte (bideoan). Gehiago bildu nahi dituzte. Horrez gain, inposaketarik ez dutela onartzen esan, eta herriko etxeetako balkoietan ikurrina jartzera animatu dituzte lezoarrak. Hilaren 28an jarrita egon behar du Espainiako banderak udaletxean. Egun bat lehenago, hilaren 27an, udalbatzarra egingo dute gaiaren gainean hitz egiteko. Ikurrina nonahi Faroletan, hesietan, balkoietan, kalean soketatik zintzilik… Toki guztietan dago jarrita ikurrina egunotan Lezon. Ikurrinarik garaiena Euskal Herria plazako mastan jarrita dagoena da. Gaurko mobilizazioetan herritarrek ere nonahi eraman dute euskal ikurrina, eskuetan, sorbaldari lotuta, bufanda bezala, buruan… Euskal Herria plazatik goizean abiatu den kalejiran ehunka lezoarrek parte hartu dute. Horren aurrean dantzariak ikurrina handiarekin eta txistulariak zihoazen, ondoren Lezoko alkatea eta alkate izandakoak nahiz zinegotziak, eta ondoren, beste ikurrina handi baten atzetik, herritar guztiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lezon ez dute Espainiako bandera nahi

Gipuzkoa

Gizon bat hil da Anoetan, trenak harrapatuta

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak