Musika, entzunez ikasiz

hondarribiko hitza

Oarsoaldea

2014/03/26

Iazko kontzertu pedagogikoetako bat

Hondarribiko 1.800 ikaslek parte hartuko dute Udaleko Hezkuntza Sailak ikastetxeekin elkarlanean Itsas Etxean antolatutako Kontzertu Pedagogikoetan. Txomin Sagarzazu zinegotziak nabarmendu du hiru ikastetxek parte hartzen dutela kontzertu pedagogikoen egitamoan: “Jarduera hauek euskarazko zinearekin hasi ziren, herriko ia 1.500 ikusle edo ikasle egon zirelarik, Haur Hezkuntzako bosgarren mailatik hasita DBHra bitarteko ikasleak, Talaia, Ama Guadalupekoa eta San Jose Ikastetxekoak. Orain, programak musikarekin jarraitzen du, herriko 1.800 ikasle pasako direlarik Itsas Etxetik”. Programaren helburua ikasleak kultur jardueretara hurbiltzea da baina, Sagarzazuren ustez, aukera ona da ikasleak eskolatik kanpo euskaraz mintza daitezen: “Jarduera guztiek helburu nagusi batzuk jarraitzen dituzte: Hondarribiko ahalik eta ikasle gehien zenbait kultur adierazpidera hurbiltzeko aukera ematea alde batetik. Hortaz gain, eskolaz kanpoko jarduerak aberasteko bide bat jartzea bilatzen dugu, baita ohitura batzuetan eragitea gure gazteei, kasu honetan, Itsas Etxea auditoriumera hurbildu eta kulturaz gozatzea. Azken helburua, euskararen presentzia eskolaz kanpoan areagotzea da”. Dagoeneko lau kontzertu egin dira aurten: Hondarribiko Txistu ikasle eta irakasleena, Musika Eskolako ikasle eta irakasleena, Esther Barandiaran-Itsaso Aristizabal bikoteak eskaini zuena Musika Eskolako ikasleekin eta, gaur bertan, Musika Eskolako perkusio taldeko ikasle, irakasle eta gonbidaturiko instrumentistak aritu dira. Datorren astelehenean, Irun eta Hondarribiko Metal Boskotea ikusi ahal izango dute ikasleek, eta azkenik, apirilaren 10ean, Musika Eskolako Banda ariko da Lehen Hezkuntzako 3 eta 4. mailakoentzat.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Musika, entzunez ikasiz

Gipuzkoa

ELAk salatu du Itasua enpresak dibidenduak hirukoiztu egin dituela azken bost urteetan, baina langileei ukatu egiten dietela soldata igoera

150 hizlari arituko dira ‘Euskal pentsamenduaren ur-jauzia II’ kongresuan

Aurtengo lehen sei hilabeteetan hamasei milioi bidaia egin dira Lurraldebusen, iaz aldi berean baino milioi bat gehiago

Gradu berri bat jarriko dute martxan EHUko Gipuzkoako Ingeniaritza Eskolan hurrengo ikasturtetik aurrera

Merkataritza lokalak etxebizitza bihurtzeko ordenantza aldatuko du Donostiako Udalak

Urriaren 19ko etxegabetzea bertan behera uztea lortu du Saretxek, behin-behinean

Atzo goizaldean Donostian erretako eraikina «agian» osorik eraitsi beharko dutela esan du Insaustik

Hariak jaialdia azaroaren 5etik 15era egingo dute

EH Bilduk salatu du La Cumbreren lagapena ez dela gauzatu lau urteren ostean, Donostiako Udalaren «borondaterik ezagatik»

Donostiako familia bat urriaren 19an etxegabetuko dutela salatu du Saretxe sindikatuak

Maritxu Kajoi gauean adin txikiko batek jasandako sexu erasoagatik gizon bat atxilotu dute Ermuan