Bidasoan Euskaraz jaialdia egingo dute asteburuan

irungo hitza

Oarsoaldea

2014/05/01

Bidasoan Euskaraz pala txapelketa

Euskararekin hitzordu garrantzitsua dute Bidasoaldeko bizilagunek asteburu honetan. Izan ere, X. Bidasoan Euskaraz jaialdia antolatu dute bihartik igandera bitartean, Pausun. Antxeta Irratiak, Berttoli elkarteak eta Xaia ostatuak elkarlanean antolatu dute Bidasoaldeko euskararen aldeko festa. Aitziber Zapirain Antxeta Irratiko kazetariak azaldu duenez, helburua da “euskal espazio bat sortzea asteburu batez Pausu auzoan”. Hala ere, helburu zehatzak ez dituztela finkatu adierazi du Zapirainek “ekitaldia ondo ateratzea” baita xede nagusia. Hala, “aurten ere aurreko urtetan bezain arrakastatsua izatea espero dugu”, gaineratu du. Bultzada Antolatzaileek Bidasoaldeko bizilagunak Hondarribira eta Irunera joateko joera asteburu batez alboratzea gustatuko litzaieke. Izan ere, “eskualde guztia kontuan hartuta Irunera edo Hondarribira jotzen dugu”, adierazi du Zapirainek, “eta Hendaiak eta Urruñak bultzada behar dute. Tokiko irrati bezala herri guztien arteko oreka bat mantentzen saiatzen gara”, gaineratu du. Hala, parte hartzaile kopuru zabalena Urruñatik hurbiltzen dela aitortu du kazetariak: “Azkenean, Urruñan gaude eta Xaia ostatua oso sustraitua dago herrian. Hala ere, beti lortzen dugu hiru edo lau herriak parte hartzea eta festara etortzea”. Gutxi ospatzeko Bidasoan Euskaraz festaren 10. ekitaldi honi garrantzia berezirik ez diote eman nahi izan antolatzaileek. “Zoritxarrez, euskararen egoera ez da asko aurreratu eta ez genion ezer berezirik eskaini nahi 10. ekitaldiari” adierazi du Zapirainek. Egoera honi buelta emateko bidean, asteburu honetako ekintzetan parte hartzera animatu nahi izan ditu bidasoarrak: “eskualdeko izaera daukan festa bat da, zubiaren alde bateko zein besteko bizilagunak topatzen garelako bertan, euskarak batzen gaituelako eta hori delako benetako berezitasuna”. Horiek horrela, pala txapelketa eta kantu afaria ekintza arrakastatsuenak izaten ohi direla onartu du kazetariak. Iaz hala ere, “pintxo eta ardo dastaketara inoiz baino jende gehiago” hurbildu zela adierazi du. Bihar

Kantu afaria Xaia ostatuan

Etzi

18:00 Pintxo lehiaketa eta Euskal Herriko ardo dastaketa, Imuntzo eta Belokiren parte hartzearekin
22:00 Jam session

Igandea

10:00 Pala txapelketako finala
11:30 Mutxikoak
13:00 Bazkaria Xaia ostatuan

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Bidasoan Euskaraz jaialdia egingo dute asteburuan

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean