Azken egunak argazki rallyan izena emateko
Jesus Hospitaler argazki rallya egingo dute hurrengo igandean, hilak 18, Aiako Harrian, Urdaburu mendizale elkartearen eskutik. Bertan parte hartzeko aurretik izena eman beharko da, eta dagoeneko azken egunak dira, hilaren 15ra arteko aukera baitago hori egiteko.
Horretarako, elkartetik pasatu daiteke, astearte eta ostegunetan, 19:00etatik 21:30era edo mezu elektroniko bat bidalita honako helbidera: urdaburumendizale[abildua]euskaltel.net. Azken aukera egunean bertan egitea izango da, saioa hasi baino 15 minutu lehenago, irteera lekuan.
Hilaren 18an Urdaburu elkartean geratu dira, 09:00etan. Rallya bost ordu iraungo ditu. Partaideei garraiobideren bat izateko eskatu diete. Nolanahi ere, dauzkaten ibilgailuak kontuan hartuta, taldetan antolatuko dituzte Aiako Harrira joateko.
Informazio gehiago eta oinarriak hemen: www.gipuzkoamendizmendi.net.
