Askasibar lezoarra eta Roteta oiartzuarra, Euskal Herriko txapeldun palan
Larunbatean jokatu zituzten Oiartzungo Madalensoro pilotalekuan Euskal Herriko Pala Txapelketa Irekiaren finalak, emakumeen kategorian, eta gizonen lehen, bigarren eta hirugarren mailan, Giriziak antolatuta. Hirugarren Mailan zeuden Oarso Bidasoko hiru ordezkarietatik bi, eta irabazi egin zuten: Askasibar lezoarra eta Roteta oiartzuarrak 25-18 irabazi zieten Santamaria-Beloki ordiziarrei. Txapelketa hori Josetxe Gamioren omenezkoa da. Finalen ondoren afaria egin zuten Girizian. Bertakoa da ondoko bideoa. http://youtu.be/pVi1ErFusyw
Larunbatean jokatu zituzten Oiartzungo Madalensoro pilotalekuan Euskal Herriko Pala Txapelketa Irekiaren finalak, emakumeen kategorian, eta gizonen lehen, bigarren eta hirugarren mailan, Giriziak antolatuta. Hirugarren Mailan zeuden Oarso Bidasoko hiru ordezkarietatik bi, eta irabazi egin zuten: Askasibar lezoarra eta Roteta oiartzuarrak 25-18 irabazi zieten Santamaria-Beloki ordiziarrei. Txapelketa hori Josetxe Gamioren omenezkoa da.
Emakumeen Gazte Mailako finala jokatu zuten lehenik, ordea, larunbateko jardunaldi erabakiorrean. Horretan irabazle Aldai-Eizmendi bikotea izan zen, Murua-Erasuni 25-22 irabazi ondoren.
Gizonen Lehen Mailan, bestalde, Ramos-Zubimendi hernaniarrek jantzi zuten txapela, Larralde eta Zumetari 25-23 irabazi zietelako. Azkenik, Bigarren Mailako txapela, Leunda lezoarraren eta Pagoaga añorgarraren buruan jarri zuten, 25-14 irabazi ondoren Ormazabal eta Goiburu ordiziarrei.
Partiden ondoren sariak eman zituzten. Horiek Euskadiko Pilota Federazioko, Oiartzungo Udaleko eta Giriziako kideek eman zituzten. Josetxo Gamioren senideak ere izan ziren ekitaldi horretan.
Aurten, orotara, 69 bikotek parte hartu dute maila guztietan txapelketan. Oiartzungo Udalaren babesa izan du lehiak. Finaletan, Giriziak adierazi duenez, jende asko eta giro ona egon ziren.
