Lehen Erregionalekoak azken jardunaldira arte saiatuko dira
Lehen Erregionalean jokatzen duen Hondarribia futbol taldeak igoera faseko azken jardunaldian jakingo du heldu den urtean zein mailatan jokatuko duen. Asteburuan etxeko lanak egin zituzten hondarribiarrek etxean lider Beasaini 5-1 irabazita, baina Pasaiak Oarsoaldeko derbia irabazi zuen Beti Onarekin (3-2), eta azken jardunaldian erabakiko da dena.
Ligako talde onenak bi multzotan banatuta ari dira igoera fasea jokatzen eta bakoitzetik aurreneko biak igoko dira mailaz. Lehen multzoan dagoeneko Aretxabaleta B eta Dunboa Eguzki igo dira eta bigarren multzoan Beasainek lortu du helburua. Bigarren posturako lehia, baina, azken jardunaldian argituko da.
Pasaiak 34 puntu ditu eta Hondarribiak bi gutxiago, baina average-a berdeen aldekoa da. Hortaz, Hondarribiak irabazten badu eta Pasaiak ez, Hondarribiko bigarren taldea igoko da Preferentera. Ordea, pasaitarrek puntuatzea lortzen badute, eurek lortuko dute helburua.
Printzipioz hondarribiarrek dute partida errazagoa, multzoko zortzigarren Armagiñaken kontra. Pasaiak liderraren etxean jokatuko du, baina Beasainek ja ez du ezer jokoan. Nolanahi ere, euren zaleen aurrean irudi ona eman nahiko dute beasaindarrek.
