Bihar egingo dute azken parte hartze tailerra Irunen

irungo hitza

Oarsoaldea

2014/06/04

Ospitale Zaharrean egindako parte hartze tailerra

Bidasoaldeko Partaidetzazko Aurrekontuak izenpeko iniziatiba azken txanpan sartu da jada. Azken tailerra egingo dute bihar Irunen, eta momentura arte orotariko ekarpenak jaso dituztela adierazi dute Elhuyar Aholkularitza enpresako arduradunek. Orain, Anaka-Puiana, Urdanibia Berri, San Migel eta Pinudi-Antzarango bizilagunen proposamenak jasotzea besterik ez da falta. Horiek horrela, momentura arte herritar ugarik parte hartu dute parte hartze tailerretan: 27 lagun Landetxa-Katean; 16 Belaskoenean; 5 lagun Toki Alaien; eta 13 Ospitale Zaharrean. Proposamen ugari jaso dituzte Elhuyarrekoek orain arte; hala nola, Landetxan topo eta tren geltokiak barruan hartuko lituzkeen geltoki intermodal bat eta auzorako kiroldegi bat; Behobiako errepideko semaforoak razionalizatzeko eta horiek autobus geltokietatik gertu jartzeko eskaria; berdintasun eta zibismoa alorretako planak; etxe zaharrak eraberritzeko diru laguntzak inguru horiek utzikerian erori ez daitezen; hiru udalerrientzako bidegorria; Hendaiako pasarela Behobiako zubi zaharraren bidez Iruneraino luzatzea… Aholkulariek azaldutakoaren arabera, Gipuzkoako Foru Aldundiaren eta Irungo Udalaren arteko eskumenak ezberdintzea da herritarrek duten zailtasun nagusiak. Izan ere, atzo Ospitale Zaharrean egindako tailerrean herritar batek esandakoaren arabera, “Bidasoaldean bereziki administrazio publiko guztien eskumeneko azpiegitura ugari dago”. Horren adibide dira, besteak beste, aireportua (Aena), errepide ezberdinak (Aldundiarenak eta Hondarribiko zein Irungo udalenak); kosta eremuak (Espainiako gobernua)…. Orain, azken bilera soilik falta da. Anaka-Puiana, Urdanibia Berri, San Migel eta Pinudi-Antzarango bizilagunak bihar elkartuko dira Mondragon Unibertsitatearen campusean (Ducourau jauregia), 19:00etan. Eta horren ondotik, ekainaren 18an eskualdeko biltzarra egingo dute, Amaia KZn. Bertan 20 proposamen lehenetsi beharko dituzte herritarrek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Bihar egingo dute azken parte hartze tailerra Irunen

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean