Mintzalaguna bukatuta, gaztetxoentzako Udagiro euskara programa abiatuko da
89 lagunek parte hartu dute 2013-2014 ikasturteko Mintzalaguna programan, Irungo Udaleko Euskara departamentuak jakitera eman duenez. Orain, Euskal Herritik kanpo jaiotako ume eta gaztetxoei zuzendutako Udagiro programaren txanda izango da. Euskararekin zailtasunak dituzten umeei laguntzeko euskara programa, alegia.
89 lagunek parte hartu dute 2013-2014 ikasturteko Mintzalaguna programan, Irungo Udaleko Euskara departamentuak jakitera eman duenez. Orain, Euskal Herritik kanpo jaiotako ume eta gaztetxoei zuzendutako Udagiro programaren txanda izango da. Euskararekin zailtasunak dituzten umeei laguntzeko euskara programa, alegia.
13 taldetan banatuta, iragan ekitaldian baino 20 lagun gehiagok parte hartu dute aurtengo Mintzalaguna programan. Euskara menderatzen duten lagunak eta euskara ikasten ari direnak elkartu eta hizkuntzarekin trebatzea izan da egitasmoaren helburua beste ikasturte batez.
Euskaraz ikastea, ondo pasatuz
Euskal Herritik kanpo jaiotako Lehen Hezkuntzako 5. eta 6. mailako eta Bigarren Hezkuntzako maila guztietako ikasleei bideratutako euskara laguntza programa da Udagiro. Jarduera ludikoak garatuz, euskararekin harremana mantentzea udako oporraldia iraun bitartean da programaren xedea.
Horiek horrla, udako oporraldia iraun bitartean egunero euskara praktikatzeko aukera izango dute ikasleek.