Alarde Parekidea, inoiz baino babestuago eta jendetsuago

irungo hitza

Oarsoaldea

2014/06/30

Alarde Parekidea San Juan plazara sartzen

Iragan urtean baino jende gehiago hurbildu da aurten Alarde Parekidearen desfilea ikustera. Finkatutako orduan ekin diote ibilbideari gizonek eta emakumeek osatutako tropek artxeroak buru zituztela. San Juan plazan gelditu dira lehenbizi eta Inma Landa jeneralaren zain izan dira bertan. Zaldiarekin galopan iritsi da jeneral berria, eta animalia urduri izan arren, alardeko buruzagiak, tropak, hautetsi politikoak eta bertaratutako herritarrak agurtu ditu Landak. Lehen hiru deskargak burutu dituzte bertan Alarde Parekideko tropek. San Juan plazan bildu dira EB eta EH Bilduren udal taldeetako hautetsiak alardeko tropei harrera egiteko prest. Manuel Millan EBko bozeramaileak hiriko bandera eman dio Bidasoa konpainiari agurra egin ondoren. Era berean, EH Bilduren ordezkaritza zabala elkartu da bertan, tartean, Laura Mintegi alrdedi burua eta Martin Garitano Gipuzkoako Ahaldun Nagusia. Aldundiko diputatuek ere parte hartu dute San Juan plazan egindako harreran. Jose Antonio Santano alkatea ez da bertan izan. “Gozatzen” Hilaren 30a egun handia izanda, “gozatzen” ari zela adierazi du Landa jeneralak. Kontent agertu da jeneral berria alardearekin eta izandako harrerarekin. Horiek horrela, Junkal plazatxoan burutu dute hurrengo deskarga eta horren ondotik, kale Nagusia jaitsi eta Urdanibia plazan eten dute goizeko desfilea. Moskun bertan ere egin dute preso eta iheslarien aldeko deskarga eta topa. Gaurko argazki galeria bertan ikus daiteke eta sanmartzialetako gainontzeko egunetako argazkiak Irudiak atalean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Alarde Parekidea, inoiz baino babestuago eta jendetsuago

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik