Melliri elkartasuna adierazi diote hamarnaka herritarrek Martutenen

Atzo eraman zuten Melli Martuteneko espetxera. Lasai dagoela esan dute eta anaiak bihar egingo duela bisita berarekin

2014/11/22

Melli askatzeko eskatu dute Martutenen

Elkarretaratzea egin dute gaur eguerdian Martuteneko espetxearen aurrean Juan Carlos Estevez Melliri elkartasuna adierazi eta hura aske uzteko eskatzeko. Hamarnaka lagunek egin dute bat deialdiarekin eta 12:00etarako deitu bezala hasi dute elkarreteratzea “Melli askatu” zion pankartaren atzean. Espetxearen alde batean bildu dira lehenengo, eta bertan 15 minutu eginda espetxearen bestaldera joan dira giza katea osatuta bertan bildu diren lagunak. “Melli askatu” oihuak etengabeak izan dira eta baita gainontzeko euskal presoak askatzearen zein amnistiaren aldekoak. Lanak egiten ari dira espetxearen alboetako batean eta bertan dagoen lur mendixkara igo dira Oreretatik zein beste herri eta Donostiako auzoetatik joandakoak. Hasieran elkartutako lekura itzuli dira ondoren eta bertan bukatu dute elkarretaratzea. Martuteneko espetxean atzotik Bildutakoek emandako informazioaren arabera ostegun gaua komisaldegian eman zuen preso oreretarrak. Egun horretan bertan atxilotu zuen Ertzainak Melli Donostiako Altza auzoko gurasoen etxean. Zazpi ertzainek hartu zutela parte atxiloketan eta hura lasaia izan zela gaineratu dute. Komisaldegian ere tratu zuzena jaso omen du Mellik. Atzo eraman zuten Martuteneko espetxera eta etxera deitzeko aukera izan omen zuen. Azaldu dutenez ingresoetako moduluan dago Melli eta haren anaiak bihar izango du bisitatzeko aukera. Gaurko bisita lortzen saiatu bazen ere, beteta zegoelaesan zioten. Melli lasai dagoela esan dute amaitzeko. Ostegunean atxilotu zuten Melli Espainiako Auzitegi Gorenak berretsi duen sei urteko zigorra osatzeko falta zaizkion hiru urteak betetzeko. Pasa den azaroaren 11n eman zuen espetxeratzeko agindua Espainiako Auzitegi Nazionalak. http://youtu.be/zRpCl7h5rIw

: Melli askatzeko eskatu dute Martutenen

: Melli askatzeko eskatu dute Martutenen

: Melli askatzeko eskatu dute Martutenen

: Melli askatzeko eskatu dute Martutenen

: Melli askatzeko eskatu dute Martutenen

: Melli askatzeko eskatu dute Martutenen

: Melli askatzeko eskatu dute Martutenen

: Melli askatzeko eskatu dute Martutenen

: Melli askatzeko eskatu dute Martutenen

: Melli askatzeko eskatu dute Martutenen

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.