7,6 milioi euroko aurrekontua izango du Lezok 2015ean

7.650.000 euroko aurrekontuari oniritzia eman zion ostegunean Lezoko udalbatzak.  EH Bilduko zazpi zinegotziek baiezkoa eman zioten eta EAJ eta PSE-EEko zinegotziek berriz abstentzioaren alde egin zuten. hemeretzi gai aztertu zituzten guztira plenoan, baina aurrekontuena izan zen denen artean nagusi. Aurtengo aurrekontuekin alderatuta, 150.000 euro gehiago kudeatuko ditu udalak datorren urtean. Bestalde, II Berdintasun Plana aho batez onartu zuen plenoak eta baita osasun zentroa eta Gizarte Zerbitzuen arteko protokoloa berrestea.  Beste hainbeste egin zuen Bildu taldeak Gizarte Larrialdietarako Laguntza indartzeko eskaera egiten zuen mozioarekin eta PSE-EEk energia pobreziaren gainean aurkeztutakoarekin.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.