DBH eskaintzarean aldeko mozioa aho batez onartu du plenoak
Gurasoen batzordeko ordezkaritza bat udalbatzarren izan zen, eta gaiaren erabilera politikoa deitoratu zuen.
Pankarta eskutan eta DBH aldarrikatzeko dituzten elastikoak soinean, Trintxerpeko Karmengo Ama ikastetxean DBH ezar dezaten lanean ari den batzordeko kideak plenoan izan ziren atzo. Gai zerrendan gaiaren gaineko mozioa zegoen, EH Bilduk aurkeztuta, eta gaiaren defentsa egin ondoren eman zien hitza Amaia Agirregabiria alkateak bertaratutakoei. Eskerrak eman zieten beren aldarrikapenak bere egin eta lagundu dieten guztiei, baina jarraian, oso kritiko agertu ziren azkenaldian hedabideetan agertu diren albisteen harira. Pasaiako PSE-EEk bere emendakin bati esker jaurlaritzak Karmengo Aman DBH ezartzeko proiektua idazteko 40.000 euroko partida aurreikusi duela zabaldu du orain gutxi prentsa ohar bidez. Harriduraz hartu dute albistea DBHaren aldeko batzordekoek “eta egia balitz gaia publiko egin aurretik nola ez dieten jakinarazi” galdegin zuten. Gaiaren erabilera politikoa ez egiteko eskatu zieten alderdiei, eta 2o urtetik gorako borroka ez oztopatzeko eta laguntzeko eskatu. “Gure seme-alaben heziketarekin ez jolastu”, eskatu zuten. PSE-EEko zinegotziek ez zuten erantzun. 
