EH Bilduk "ilusioa" antzeman du hauteskundeei begira egindako hiru batzarretan
Programaren behin betiko oinarriak lantzen ari dira, batzarretan egindako ekarpen guztiak jaso ondoren. Programa hori berresteko batzarra egingo dute urtarrilaren 24an, Merkatuzarren.
Orereta/Errenteriako EH Bilduk udal hauteskundeak prestatzeko hiru batzar egin ditu azaroan. Gaur eguerdian horren balorazioa egin dute, Orereta kalean egindako agerraldian. Lehenik eta behin, koalizioaren sorreraren zergatira jo dute: “Euskal Herriko indar korrelazioa aldatzeko tresna gisa jaio zen” eta “eraldaketa sozial eta politikoa ahalbidetzeko” herritarren parte hartzea beharrezkoa dela uste dute. “Herritarrek egin behar dugu politika”, nabarmendu dute.
Ideia horri lotuta egin dituzte batzarrak, eta balorazio positiboa egin dute: “Batzarrak hitz bakarrean definitu beharko bagenu, hitz hori ilusioa da. Jende andana hurbildu da modu aktiboan parte hartzera”. Egindako hiru batzarretan honako ardatz hauek landu dituzte:
EH Bilduk hiru batzarren balantzea egin du
- 1. batzarra: Kokapena politikoa orokorra egin eta herri eredua eztabaidatu.
- 2. batzarra: Datorren agintaldian aurkeztu beharreko ekimen konkretuei buruzkoa.
- 3. batzarra: EH Bildu udalerrian nola artikulatu eta antolatu.
