Gogorza askatzearen alde eta dispertsioaren kontrako ekitaldia deitu du Sarek hilaren 31rako
"Arrazoi humanitarioengatik, legezko eskubidea duelako eta bere askatasuna konponbidean ezinbesteko urratsa delako" Aitzol Gogorza "etxeratzea" eskatu du Sarek. Gainontzeko preso larrien etxeratzea ere eskatu dute
“Arrazoi humanitarioengatik, legezko eskubidea duelako eta bere askatasuna konponbidean ezinbesteko urratsa delako” Aitzol Gogorza “etxeratzeko” eskatu du Sarek. Gainontzeko preso larrien etxeratzea ere eskatu dute. Gainera, “astero ehunka eta milaka kilometro egin behar dituzten “haur, bikote, guraso, aiton-amona, lagun eta euskaldun ugari” ere gogoan izan dituzte. Presoak bisitatzera joaten diren aldiro “pairatzen duten giza eskubideen urraketa” salatu du Sarek.
Horrekin guztiarekin bukatzeko, “herritar ororen inplikazioa” eskatu dute, eta “ehuntzen ari den sare herritarrean” parte hartzeko deialdia luzatu dute. “Giza eskubideen errespetuan oinarritutako elkarbizitza garatzeko asmoz, dispertsioarekin bukatu eta larri gaixorik dauden presoak etxeratu behar ditugu”, gaineratu dute.
Horrela, datorren urratsa urteko azken egunean egingo dute. 18:00etatik 19:00etara puxikak banatuko dituzte Herriko Plazan, eta 19:00etatik aurrera ekitaldi “xume” bat egingo dute, puxikak askatuz, “Argi dugu: Aitzol etxera!” leloa lau haizetara zabaltzeko.
Sareren agerraldia
