Etxeko txikientzako eskaintza oparoa antolatu dute Gabonetarako
Gazteria eta Kirol Departamentuak 22 urtez jarraian antolatu du Gabonetako Haur Jaia, herriko aisialdi taldeekin eta ludotekekin elkarlanean; hilaren 22an, 23an, eta 26an izango dira jarduerak.
Trintxerpeko Ekaitza eta Boveda aisialdi taldeak, San Pedroko Udal Ludoteka, Donibaneko Itaia Kolektiboa eta Antxoko ludotekak parte hartzen dute jaiaren antolakuntzan, eta aurten lehen aldiz, baita Badia Antzerki Eskola ere. Magia ikuskizuna, tailerrak, pailazoak, txokolate-jatea… orotariko eskaintza prestatu dute denon artean, haurrek oporretan ondo pasatu dezaten.
Jarduerak 16:00etatik 19:00etara izango dira datorren asteko astelehenean, asteartean, eta ostiralean, Antxoko Kultur Etxean eta ludotekan, Trintxerpeko Karmengo Ama Eskolan, Donibaneko ludotekan eta San Pedroko udal aretoan. Jarduera guztiak doakoak izango dira, eta 4 urtetik 12 eta 13 urte bitarteko haur guztiek gozatzeko aukera izango dute.
2014 Gabonetako Haur Jaiaren kartela -EUSK
